NBK 107: తొలి అడుగు ఇక్కడే...

బాలకృష్ణ 107వ చిత్రాన్ని పట్టాలెక్కించడానికి రంగం సిద్ధమైంది. ఈ నెలలోనే చిత్రీకరణని ప్రారంభించేందుకు సన్నాహాలు మొదలయ్యాయి. గోపీచంద్‌ మలినేని దర్శకత్వం వహిస్తున్న ఈ సినిమాలో బాలకృష్ణకి జోడీగా శ్రుతిహాసన్‌ నటించనున్న విషయం తెలిసిందే. మైత్రీ మూవీ మేకర్స్‌ సంస్థ నిర్మిస్తోంది. నిజ జీవిత సంఘటనల స్ఫూర్తితో రూపొందుతున్న ఈ సినిమాలోని సింహ భాగం సన్నివేశాల్ని విదేశాల్లోనూ తెరకెక్కించనున్నట్టు సమాచారం. తొలి సన్నివేశాల్ని మాత్రం తెలంగాణలోని సిరిసిల్లలో తెరకెక్కించాలని చిత్రబృందం నిర్ణయించినట్టు తెలుస్తోంది. ‘క్రాక్‌’తో విజయాన్ని అందుకున్న గోపీచంద్‌ మలినేని... మరో శక్తివంతమైన కథతో బాలకృష్ణ చిత్రాన్ని తెరకెక్కిస్తున్నారు.