Agent: ‘ఏజెంట్‌’ విన్యాసం

అఖిల్‌ అక్కినేని (Akhil) కథానాయకుడిగా నటించిన ‘ఏజెంట్‌’ (Agent) ఈ నెల 28న ప్రేక్షకుల ముందుకొస్తోంది. ఈ సందర్భంగా చిత్రబృందం ప్రచార కార్యక్రమాల్లో వేగం పెంచింది. అందులో భాగంగానే విజయవాడలో ఓ భారీ పోస్టర్‌ని ఆవిష్కరించారు. ఆ పోస్టర్‌లో అఖిల్‌ కండలు తిరిగిన దేహంతో కనిపించారు. పోస్టర్‌ ఆవిష్కరణ సందర్భంగా అఖిల్‌ అక్కినేని 172 అడుగుల ఎత్తు నుంచి తాడు సాయంతో చేసిన విన్యాసాలు ఆకట్టుకున్నాయి. ట్రైలర్‌, సినిమా కూడా ఇంతే సాహసోపేతంగా ఉంటుందని... ఈ నెల 18న ట్రైలర్‌ని కాకినాడలో విడుదల చేస్తామని తెలిపారు. సురేందర్‌రెడ్డి దర్శకత్వంలో రూపొందిన ఈ చిత్రంలో అఖిల్‌కి జోడీగా సాక్షి వైద్య నటించారు. మమ్ముట్టి కీలకపాత్ర పోషించారు. ఏకే ఎంటర్‌టైన్‌మెంట్స్‌ పతాకంపై రామబ్రహ్మం సుంకర నిర్మించారు.