Alia Bhatt: పుస్తకాలు తిరగేస్తూ..

కథానాయికలు ఎప్పుడైనా కథలు వింటారు.. అవి నచ్చితే కొత్త సినిమాలకు ఓకే చెబుతారు గానీ.. ఈ చదవడమేంటి? అంటారా? తల్లిగా, నటిగా.. రెండు పాత్రల్ని సమర్థంగా పోషిస్తున్న అలియా భట్‌ (Alia Bhatt).. తన కూతురి కోసం క్రమం తప్పకుండా నీతి కథలు చదువుతున్నానంటోంది. అందుకు సంబంధించిన కొన్ని పుస్తకాల ఫొటోల్ని ఆదివారం తన ఇన్‌స్టాగ్రామ్‌లో పంచుకుంది. కూతురు రాహా పెరిగి పెద్దయ్యాక వినిపించడానికే తను ప్రతి ఆదివారం ఇలాంటి పుస్తకాలు చదువుతోందట. ప్రస్తుతం ఆమె రణ్‌వీర్‌సింగ్‌తో కలిసి నటించిన ‘రాకీ ఔర్‌ రాణి కీ ప్రేమ్‌ కహానీ’ నిర్మాణానంతర కార్యక్రమాల్లో ఉండగా.. మరో కొత్త సినిమా పట్టాలెక్కే పనుల్లో ఉంది.