అనుష్క కథకి హంగులు

హైదరాబాద్‌: అగ్ర కథానాయిక అనుష్క తదుపరి చిత్రంపై ఇంకా స్పష్టత రాలేదు. కానీ ఇప్పటికే ఆమె యు.వి.క్రియేషన్స్‌లో ఓ సినిమాకి పచ్చజెండా ఊపినట్టు తెలుస్తోంది. ఆ కథకే ఇప్పుడు మరిన్ని హంగులు అద్దుతున్నట్టు సమాచారం. ఒక యువ దర్శకుడు తెరకెక్కించనున్న ఈ చిత్రంలో యువ కథానాయకుడు నవీన్‌ పొలిశెట్టి ఓ కీలక పాత్ర చేస్తారని తెలుస్తోంది. ఆయన పాత్రని దృష్టిలో ఉంచుకుని కథలో మార్పులు చేర్పులు కొనసాగుతున్నాయని సమాచారం. త్వరలోనే ఈ చిత్రాన్ని పట్టాలెక్కించే అవకాశాలున్నాయి. అనుష్క ‘నిశ్శబ్దం’ తర్వాత మళ్లీ సినిమా చేయలేదు.