Dhanush: మరోసారి రాజకీయ నాయకుడిగా?

అభిమానులను భిన్నమైన కథలతో అలరించే నటులలో ధనుష్‌ ఒకరు.  పలు భాషల్లో నటించి మంచి గుర్తింపు తెచ్చుకున్నారాయన. ఆయన స్వీయ దర్శకత్వంలో రానున్న ‘డీ50’(వర్కింగ్‌ టైటిల్‌) తర్వాత శేఖర్‌ కమ్ములతో ‘డీ51’గా ఓ సినిమాను పట్టాలెక్కించనున్న విషయం తెలిసిందే. ఈ కలయికలో సినిమా ఖరారైనప్పటి నుంచి ఎన్నో వార్తలు వచ్చాయి. నాగార్జున, రష్మిక కీలక పాత్రల్లో నటించనున్న ఈ చిత్రం పొలిటికల్‌ డ్రామాగా వస్తున్నట్లు సమాచారం. 40ఏళ్ల క్రితం జరిగిన రాజకీయ సంఘటనల ఆధారంగా ఈ సినిమాను రూపొందించనున్నట్లు తెలుస్తోంది. పాన్‌ ఇండియా చిత్రంగా అభిమానుల ముందుకు రానున్న ఈ సినిమాను ‘డీ50’ చిత్రీకరణ పూర్తికాగానే సెట్స్‌పైకి తీసుకెళ్లనున్నారు.