Etvwin: ఈటీవీ విన్‌లో ఒకే రోజు రెండు సినిమాలు

ప్రముఖ ఓటీటీ వేదిక ఈటీవీ విన్‌లో గురువారం రెండు చిత్రాలు ప్రేక్షకుల్ని అలరించనున్నాయి. ‘చిత్రం చూడర’, ‘పారు’్ధ.. ఈ రెండు సినిమాలు నేడే ప్రేక్షకుల ముందుకొస్తున్నాయి. వరుణ్‌సందేశ్‌, ధన్‌రాజ్‌, కాశీ విశ్వనాథ్‌ ప్రధాన పాత్రల్లో నటించిన చిత్రం ‘చిత్రం చూడర’. సినిమాల్లోకి వెళ్లాలన్న కోరికతో పల్లెటూరి నుంచి హైదరాబాద్‌కి వస్తారు ఓ ముగ్గురు వ్యక్తులు. తమకు ఎలాంటి సంబంధం లేకపోయినా ఓ పోలీసు అధికారి వాళ్లని ఓ దొంగతనం కేసులో ఇరికిస్తాడు. మరి ఆ తర్వాత ఏమైంది? వాళ్లు ఎలా బయటపడ్డారు? నటులు కావాలనే కలను నెరవేర్చుకున్నారా? అనే విషయాలు సినిమాలోనే చూడాలి. ఆర్‌.ఎన్‌ హర్షవర్ధన్‌ దర్శకత్వం వహించిన ఈ చిత్రాన్ని బోయపాటి భాగ్యలక్ష్మి, శేషు మారమ్‌ రెడ్డి నిర్మించారు.

తంగదురై, సనమ్‌ శెట్టి, సాయి రాజ్‌కుమార్‌, గజరాజ్‌, జయకుమార్‌, అరుల్‌ డి శంకర్‌ ప్రధాన పాత్రల్లో నటించిన చిత్రం ‘పార్ధు’. అర్జునన్‌ ఏకలవ్య స్వీయ దర్శకత్వంలో నిర్మించారు. ఓ ప్రైవేటు ఇన్‌వెస్టిగేటర్‌ వద్ద పనిచేసే ఓ వ్యక్తి కొత్త దారిలో వెళ్లానుకొని ఉద్యోగాన్ని కోల్పోతాడు. తర్వాత ఏమైంది? అనేది ‘పార్ధు’ అసలు కథ.