Mangalavaram: గణ గణ మోగాలిరా..

పాయల్‌ రాజ్‌పూత్‌ ప్రధాన పాత్రలో నటించిన చిత్రం... ‘మంగళవారం’. అజయ్‌ భూపతి దర్శకత్వం వహిస్తున్నారు. స్వాతిరెడ్డి గునుపాటి, సురేశ్‌ వర్మ.ఎం నిర్మిస్తున్నారు. ఈ చిత్రం లోని జాతర నేపథ్యంలో సాగే ‘గణగణ మోగాలిరా...’ పాటని బుధవారం విడుదల చేశారు. అజనీష్‌ లోక్‌నాథ్‌ స్వరకల్పనలోని ఈ గీతానికి భాస్కరభట్ల సాహిత్యం అందించగా, వి.ఎం.మహాలింగం ఆలపించారు. నిర్మాతలు మాట్లాడుతూ ‘‘కథలో కీలక సందర్భంలో వచ్చే పాట ఇది. ఇందులోని పాటలూ కథని చెబుతాయి. త్వరలోనే ట్రైలర్‌, సినిమా విడుదల తేదీని వెల్లడిస్తాం’’ అన్నారు. దర్శకుడు మాట్లాడుతూ ‘‘గ్రామీణ నేపథ్యంలో తెలుగుదనం ఉట్టిపడే కథతో తెరకెక్కిస్తున్న చిత్రమిది. విభిన్నమైన యాక్షన్‌ థ్రిల్లర్‌గా ప్రేక్షకుల మనసుల్ని గెలుస్తుంద’’న్నారు.