NTR’s Devara: దేవర వాయిదా అధికారికమేనా?

ఎన్టీఆర్‌ ‘దేవర’ (NTR’s Devara) వాయిదా పడనుందా? ముందు ప్రకటించినట్టుగా ఏప్రిల్‌ 5న రావడం లేదా? అవుననే అంటున్నాయి పరిశ్రమ వర్గాలు. చిత్రబృందం ఈ విషయాన్ని అధికారికంగా ప్రకటించే ప్రయత్నాల్లో ఉన్నట్టు తెలుస్తోంది. కొరటాల శివ దర్శకత్వంలో తెరకెక్కుతున్న ఈ చిత్రం రెండు భాగాలుగా ప్రేక్షకుల ముందుకు రానున్న సంగతి తెలిసిందే. తొలి భాగం సినిమాని ఈ ఏప్రిల్‌ 5న విడుదల చేయాలనుకున్నారు. అయితే విజువల్‌ ఎఫెక్ట్స్‌ పనులు, ప్రతినాయకుడిగా నటిస్తున్న సైఫ్‌ అలీఖాన్‌ గాయపడటం తదితర కారణాలతో సినిమాని వాయిదా వేయాలనే నిర్ణయానికి చిత్రబృందం వచ్చినట్టు తెలుస్తోంది. పాన్‌ ఇండియా స్థాయిలో రూపొందుతున్న ఈ సినిమాలో విజువల్‌ ఎఫెక్ట్స్‌కి ఎంతో ప్రాధాన్యం ఉంది. వాటి విషయంలో రాజీ పడకుండా మరింత నాణ్యతతో తీర్చిదిద్దే ప్రయత్నాల్లో తలమునకలై ఉంది. సముద్ర తీరం నేపథ్యంలో సాగే ఈ సినిమాలో ఎన్టీఆర్‌ సరసన జాన్వీకపూర్‌ నటిస్తున్న విషయం తెలిసిందే. సుధాకర్‌ మిక్కిలినేని, కొసరాజు హరికృష్ణ నిర్మిస్తున్నారు. కల్యాణ్‌రామ్‌ సమర్పకులు.