Cinema News: కళ్యాణ గీతం

శేఖర్‌ వర్మ, వైభవి జంటగా ఎస్‌.ఎమ్‌.ఎస్‌ క్రియేషన్స్‌ పతాకంపై తెరకెక్కుతున్న చిత్రం ‘కళ్యాణమస్తు’. ఓ.సాయి దర్శకత్వం వహిస్తున్నారు. ఇటీవల ఈ చిత్రంలోని ‘గల గల ఈ మాటల్లో ఉందే పిల్ల జాతర... సుర సుర నీ చూపుల్లో ఉందే మందు పాతర... ’ అంటూ సాగే పాటని విడుదల చేశారు. అలరాజు రచించిన ఈ గీతాన్ని మంగ్లీ, ధృవన్‌ ఆలపించారు. ఆర్‌.ఆర్‌.ధృవన్‌ స్వరకర్త. ఈ పాటకి లభిస్తున్న స్పందనపట్ల చిత్రబృందం ఆనందం వ్యక్తం చేసింది. ‘‘విభిన్నమైన కథతో రూపొందుతున్న చిత్రమిది. శేఖర్‌ వర్మ, వైభవి జోడీ అలరిస్తుంది. గల గల... పాటలో శేఖర్‌ వర్మ స్టెప్స్‌ ఆకట్టుకుంటాయి. సినిమాకి సంబంధించిన మరిన్ని వివరాల్ని త్వరలోనే  వెల్లడిస్తామ’’ని చిత్రవర్గాలు తెలిపాయి. దీనికి ఛాయాగ్రహణం: మల్లికార్జున్‌ నరగాని.