Kazan Khan: ఇండస్ట్రీలో విషాదం.. గుండెపోటుతో నటుడి మృతి

ఇంటర్నెట్‌ డెస్క్‌: సినీ పరిశ్రమలో విషాదం చోటుచేసుకుంది. ప్రముఖ మాలయాళ నటుడు కజాన్‌ ఖాన్‌ (Kazan Khan) కన్నుమూశారు. ఎన్నో సినిమాల్లో విలన్‌ పాత్రల్లో నటించిన ఆయన సోమవారం రాత్రి గుండెపోటుతో మరణించారు. కేరళకు చెందిన కజాన్‌ ఖాన్‌ 1992లో వచ్చిన ‘సెంతమిట్‌ పట్టు’ అనే చిత్రంతో సినీ రంగ ప్రవేశం చేశారు. ఈ సినిమానే తెలుగులో ‘అమ్మకొడుకు’ అనే పేరుతో విడుదల చేశారు. కజాన్‌ ఖాన్‌ మలయాళంతో పాటు తెలుగు, తమిళ, కన్నడ సినిమాల్లోనూ మంచి గుర్తింపు తెచ్చుకున్నాడు. 2001లో దివంగత నటుడు శ్రీహరి హీరోగా నటించిన ‘భద్రాచలం’ సినిమాలో కజాన్‌ ఖాన్‌ విలన్‌గా నటించి ప్రశంసలు అందుకున్నాడు. ఆయన మరణ వార్త తెలిసి ప్రముఖులు సంతాపం తెలియజేస్తున్నారు.