Keerthy Suresh: రఘు తాత విడుదలకు సిద్ధం

నాయికా ప్రాధాన్య కథలను ఎంచుకుంటూ.. ఎలాంటి పాత్రలోనైనా ఒదిగిపోతూ తన సహజమైన నటనతో ప్రేక్షకులను మెప్పిస్తోంది కీర్తి సురేశ్‌. కెరీర్‌ ఆరంభమైన కొన్నాళ్లకే ‘మహానటి’ అని నిరూపించుకుంది ఈ భామ. ప్రస్తుతం భాషతో సంబంధం లేకుండా చేతినిండా సినిమాలతో బిజీగా ఉందామె. ఆమె ప్రధాన పాత్రలో నటిస్తున్న చిత్రం ‘రఘు తాత’. సుమన్‌ కుమార్‌ ఈ చిత్రాన్ని తెరకెక్కించారు. ప్రముఖ నిర్మాణ సంస్థ హోంబలే ఫిల్మ్స్‌ నిర్మిస్తున్న తొలి తమిళ చిత్రమిది. ఇటీవలే ఈ సినిమా చిత్రీకరణను పూర్తి చేసుకున్నట్లు తెలిపింది చిత్రబృందం. విడుదలకు సిద్ధంగా ఉన్న ఈ సినిమా త్వరలో ప్రేక్షకుల ముందుకు రాబోతున్నట్లు తెలుపుతూ.. మంగళవారం సామాజిక మాధ్యమాల వేదికగా ఓ వీడియోను పంచుకుంది నిర్మాణ సంస్థ. ధృడ సంకల్పం ఉన్న ఓ మహిళ చేసే స్ఫూర్తిదాయకమైన పోరాట కథను ఇందులో చూపించనున్నారు.