Lucky Laxman: అందరూ మెచ్చే ‘లక్కీ లక్ష్మణ్‌’

సోహెల్‌(Sohel), మోక్ష(Moksha) జంటగా ఎ.ఆర్‌.అభి తెరకెక్కిస్తున్న చిత్రం ‘లక్కీ లక్ష్మణ్‌’ (Lucky Laxman). హరిత గోగినేని నిర్మాత. దేవి ప్రసాద్‌,  రాజా రవీంద్ర కీలక పాత్రల్లో నటిస్తున్నారు. ఈ చిత్ర ఫస్ట్‌లుక్‌ను దర్శకుడు అనిల్‌ రావిపూడి విడుదల చేశారు. ఈ సందర్భంగా ఆయన మాట్లాడుతూ.. ‘‘ఫస్ట్‌లుక్‌ చాలా బాగుంది. తొలి చిత్రమైనా దర్శక నిర్మాతలు చక్కగా రూపొందించారు. ఈ సినిమా అందరికీ మంచి పేరు తీసుకురావాలని కోరుకుంటున్నా’’ అన్నారు. ‘‘మంచి కుటుంబ కథా చిత్రమిది. ప్రేక్షకులకు కచ్చితంగా నచ్చుతుంది’’ అన్నారు దర్శకుడు. నిర్మాత హరిత మాట్లాడుతూ.. ‘‘చిత్రీకరణ పూర్తయింది. నిర్మాణాంతర పనులు జరుగుతున్నాయి. త్వరలో విడుదల తేదీ ప్రకటిస్తాం’’ అన్నారు. ‘‘కథ పరంగా, సాంకేతికంగా సినిమా ఉన్నతంగా ఉంటుంద’’న్నారు సోహెల్‌.