Nagarjuna: ఆ వైపు వెళ్తున్నామంటే.. ఏదైనా కొత్తగా ప్రయత్నించాల్సిందే!
‘నా సామిరంగ’లో కిష్టయ్యగా వినోదాలు పంచేందుకు సిద్ధమవుతున్నారు కథానాయకుడు నాగార్జున. సంక్రాంతి లక్ష్యంగా శరవేగంగా ముస్తాబు చేసిన చిత్రమిది. నృత్య దర్శకుడు విజయ్ బిన్నీ ఈ సినిమాతో దర్శకుడిగా వెండితెరకు పరిచయం కానున్నారు. అల్లరి నరేశ్, రాజ్తరుణ్ కీలక పాత్రలు పోషించారు.
‘నా సామిరంగ’లో కిష్టయ్యగా వినోదాలు పంచేందుకు సిద్ధమవుతున్నారు కథానాయకుడు నాగార్జున. సంక్రాంతి లక్ష్యంగా శరవేగంగా ముస్తాబు చేసిన చిత్రమిది. నృత్య దర్శకుడు విజయ్ బిన్నీ ఈ సినిమాతో దర్శకుడిగా వెండితెరకు పరిచయం కానున్నారు. అల్లరి నరేశ్, రాజ్తరుణ్ కీలక పాత్రలు పోషించారు. ఈ సినిమా ఈనెల 14న ప్రేక్షకుల ముందుకు రానుంది. ఈ నేపథ్యంలోనే హైదరాబాద్లో శుక్రవారం విలేకర్లతో చిత్ర విశేషాలు పంచుకున్నారు నాగార్జున.
మీ కెరీర్లోనే చాలా త్వరగా పూర్తి చేసిన సినిమా ఈ ‘నా సామిరంగ’నే కదా?
‘‘చిత్రీకరణకు శ్రీకారం చుట్టినప్పటి నుంచి పూర్తి చేయడం వరకు చూస్తే ఇదే వేగవంతమైన సినిమా అనుకోవచ్చు. కానీ, దీనికి పని చేసిన రోజులు ఎక్కువే. దాదాపు 72రోజుల పాటు చిత్రీకరణ కొనసాగింది. నా పాత్రకు సంబంధించిన షూట్కు 60రోజులు పట్టింది. గతంలో నేను 30రోజులకు అటు ఇటుగా పని చేసిన చిత్రాలు చాలానే ఉన్నాయి. సంక్రాంతి లక్ష్యంగానే సిద్ధం చేసిన చిత్రమిది. దీని చిత్రీకరణ ప్రారంభించింది సెప్టెంబరు చివరి నుంచైనా.. ప్రీప్రొడక్షన్ పనులు ఏడెనిమిది నెలలు ముందుగానే ప్రారంభించాం. దాని వల్లే చిత్రీకరణను చకచకా పూర్తి చేయగలిగాం. ఈ పద్ధతిలో త్వరితగతిన సినిమాని పూర్తి చేయడం వల్ల నిర్మాతలతో పాటు మాకు లాభాలుంటాయి. ఎప్పుడూ ఒక ఛార్జ్లో ఉంటాం. కాకపోతే ఇలా వేగంగా చేసుకుంటూ పోవడం వల్ల తప్పులు చేసే అవకాశాలూ ఎక్కువ ఉంటాయి. కాబట్టి ప్రీప్రొడక్షన్ చేసేటప్పుడు చాలా జాగ్రత్తలు తీసుకోవాలి’’.
ఇదొక మలయాళ కథకు రీమేక్ కదా. దీన్ని చేయాలనుకోవడానికి ఆకర్షించిన అంశాలేంటి?
‘‘దీన్ని నేను రీమేక్ చిత్రమనైతే అనను. ఎందుకంటే మేము మాతృకలోని మూల కథను మాత్రమే తీసుకొని తెలుగు నేటివిటీకి తగ్గట్లుగా పూర్తి మార్పులు చేసి రూపొందించాం. స్నేహం.. త్యాగం.. ప్రేమ.. విధేయత - ప్రతీకారం.. ఇలా దీంట్లో ఉన్న నాలుగు మానవీయ భావోద్వేగాలు నన్నెంతో ఆకర్షించాయి. ఇది భోగి, మకర సంక్రాంతి, కనుమ మూడు రోజుల్లో జరిగే కథ. కోనసీమ సంక్రాంతి ప్రభల తీర్థం నేపథ్యంలో ఉంటుంది. సినిమా పూర్తిగా 1980ల కాలంలోనే జరుగుతుంటుంది. ముగింపు మాతృకకు భిన్నంగా తెలుగు ప్రేక్షకులు మెచ్చేలా ఉంటుంది. నేనిప్పటి వరకు చేసిన చిత్రాల్లో చాలా మాస్ యాక్షన్ ఉన్న సినిమా ఇదే. పండక్కి అందరూ చూడాల్సిన చిత్రమిది’’.
ఈ చిత్రంలో మీకు.. ఆషికాకు మధ్య ప్రేమ కథ ఎలా ఉంటుంది?
‘‘మా ఇద్దరి ప్రేమకథ చాలా కొత్తగా ఉంటుంది. నేనిందులో కిష్టయ్య పాత్రలో కనిపిస్తా. తను వరాలు అలియాస్ వరలక్ష్మిగా కనిపిస్తుంది. చిన్నతనం నుంచే వాళ్లిద్దరి మధ్య ప్రేమ ఉంటుంది. కానీ, ఓ వయసు దాటినా కలవరు. ఇద్దరూ పక్క పక్కనే ఉంటారు. ఒకరిపై ఒకరికి చచ్చేంత ప్రేమ ఉంటుంది. కానీ, ఓ కారణం వల్ల పెళ్లి చేసుకోరు. అదేంటన్నది సినిమా చూసి తెలుసుకోవాలి’’.
ఈ కథను తొలుత ప్రసన్న కుమార్ బెజవాడ తెరకెక్కిస్తారని ప్రచారం వినిపించింది. కానీ, దీంట్లోకి విజయ్ బిన్నీ ఎలా వచ్చారు?
‘‘దాదాపు ఆరు నెలలు శ్రమపడి ఈ స్క్రిప్ట్ను సిద్ధం చేశాం. ఆ తర్వాత దీన్ని చాలా మంది దర్శకులకు ఇచ్చి వాళ్ల స్టైల్లో చెప్పమన్నాం. ఈ క్రమంలోనే విజయ్ బిన్నీని కూడా చెప్పమన్నాం. తను రెండు వారాల టైమ్ తీసుకొని తనదైన శైలిలో చక్కటి మార్పులు చేసి కథ వినిపించాడు. అది మా అందరికీ నచ్చడంతో తనతోనే ముందుకెళ్లాం’’.
మీ అబ్బాయి నాగచైతన్య ‘దూత’తో ఓటీటీలోకి ఎంట్రీ ఇచ్చారు. మీరు అలాంటి ప్రయత్నాలేమైనా చేయనున్నారా?
‘‘ఓటీటీ ఆఫర్లు వస్తున్నాయి కానీ, ఏదీ ఆసక్తిరేకెత్తించేలా ఉండటం లేదు. సీబీఐ ఆఫీసర్, పోలీసు పాత్ర.. ఇలా రెగ్యులర్ కథలతోనే వస్తున్నారు. మనం సినిమాల నుంచి ఓటీటీల వైపు వస్తున్నామంటే ఏదైనా కొత్తగా ప్రయత్నిస్తేనే బాగుంటుంది. అలాంటి స్క్రిప్ట్ దొరికితే తప్పకుండా చేస్తా’’.
కొత్త చిత్ర విశేషాలేంటి?
‘‘నా తదుపరి చిత్రం శేఖర్ కమ్ముల దర్శకత్వంలో చేయనున్నా. ఈ నెల 24 లేదా 25 నుంచి చిత్రీకరణ మొదలవుతుంది. ఆ తర్వాత నవీన్ దర్శకత్వంలో ఓ యాక్షన్ సినిమా చేయనున్నా. అది షారుఖ్ ఖాన్ ‘పఠాన్’ తరహాలో ఉంటుంది. అది నా 100వ చిత్రమా? కాదా? అనేది లెక్కలేసుకోలేదు. ‘బ్రహ్మాస్త్ర 2’ కూడా ఉంటుంది. అయాన్ ప్రస్తుతం ‘వార్ 2’తో బిజీగా ఉన్నారు. అది పూర్తయ్యాక ఇది మొదలుకావొచ్చు’’.
మీ 100వ చిత్రాన్ని ఎవరైనా స్టార్ డైరెక్టర్తో చేసే అవకాశముందా?
‘‘ల్యాండ్ మార్క్ చిత్రాలు అలా చేయాలనుకుంటే నాకు ‘శివ’, ‘గీతాంజలి’, ‘నిన్నే పెళ్లాడతా’, ‘అన్నమయ్య’ లాంటి చిత్రాలొచ్చేవి కాదు. నేనెప్పుడు నా సినిమా కొత్తగా.. వైవిధ్యభరితంగా ఉండాలనుకుంటా. నేను నా అభిమానులు కోరుకున్నట్లుగా స్టార్ దర్శకులతోనూ పని చేశా. వాటి ఫలితాలేంటో అందరికీ తెలుసు (నవ్వుతూ). ‘మాస్’ని తీసుకోండి.. లారెన్స్కు అదే తొలి చిత్రం. కానీ, అదొక కల్ట్ ఫిల్మ్గా పేరు తెచ్చుకుంది. హిందీలో దక్షిణాది చిత్రాలకు మార్కెట్ ఓపెన్ చేసింది. అలాగే ‘నిన్నే పెళ్లాడతా’, ‘అన్నమయ్య’ సినిమాలు యూఎస్లో మార్కెట్లు తెరచుకునేలా చేశాయి. ఇక ‘శివ’, ‘గీతాంజలి’ గురించి ప్రత్యేకంగా చెప్పాల్సిన పనిలేదు. అవి నన్ను స్టార్గా నిలబెట్టాయి’’.
ఈ చిత్రానికి స్టార్ కీరవాణి అని చెప్పారు. ఎందుకలా?
‘‘మా సినిమాకి నిజమైన స్టార్ కీరవాణే. ఎందుకంటే ఈ చిత్రాన్ని ఇంత వేగవంతంగా.. ఇంత పెద్ద స్కేల్లో చేయడానికి కారణం ఆయనే. మేము సెప్టెంబరు 28న ఈ చిత్రం ప్రారంభించాం. కానీ, కీరవాణి మాకు సెప్టెంబరు తొలి వారంలోనే మూడు పాటలతో పాటు నా ఇంట్రడక్షన్ ఫైట్కు సంబంధించిన నేపథ్య సంగీతం ఇచ్చేశారు. దీంట్లో మొత్తం ఏడు పాటలుంటాయి. వేటికవే భిన్నంగా అలరించేలా ఉంటాయి’’.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?
sabari movie review in telugu: వరలక్ష్మీ శరత్కుమార్, గణేశ్ వెంట్రామన్ కీలక పాత్రల్లో నటించిన ‘శబరి’ మెప్పించిందా? -
రివ్యూ: ప్రసన్నవదనం.. సుహాస్ ఖాతాలో హిట్ పడిందా?
సుహాస్ కీలక పాత్రలో ఫేస్ బ్లైండ్నెస్ కాన్సెప్ట్తో రూపొందిన థ్రిల్లర్ మూవీ ఎలా ఉంది. -
సెట్లోకి అప్పుడే!
‘ఆర్ఆర్ఆర్’ చిత్రంతో అంతర్జాతీయ స్థాయిలో గుర్తింపు తెచ్చుకున్నారు దర్శకుడు ఎస్.ఎస్.రాజమౌళి. ఆయన తదుపరి సినిమా మహేశ్బాబుతో చేయనున్న సంగతి తెలిసిందే. దీన్ని కె.ఎల్.నారాయణ నిర్మిస్తున్నారు. -
లెక్కలు సరిచేసే రక్షకుడు
పవన్ కల్యాణ్ కథానాయకుడిగా నటిస్తున్న చిత్రాల్లో ‘హరి హర వీరమల్లు’ ఒకటి. క్రిష్ జాగర్లమూడి దర్శకత్వంలో పట్టాలెక్కిన ఈ పాన్ ఇండియా సినిమా కొన్నేళ్లుగా చిత్రీకరణ దశలోనే ఉంది. -
‘కుబేర’లో నాగ్ ఇలా!
నాగార్జున, ధనుష్ ప్రధాన పాత్రల్లో శేఖర్ కమ్ముల తెరకెక్కిస్తోన్న చిత్రం ‘కుబేర’. సునీల్ నారంగ్, పుస్కుర్ రామ్ మోహన్రావు నిర్మిస్తున్నారు. గురువారం ఈ చిత్రంలో నాగార్జునకు సంబంధించిన ఫస్ట్లుక్ వీడియోని విడుదల చేసింది చిత్రబృందం. -
మండు వేసవిలో హాయిగా నవ్వించే చిత్రం
‘‘పెళ్లి పేరుతో జరుగుతున్న మోసాల్ని అందరికీ తెలియజేయాలనే మంచి ఉద్దేశంతో తీసిన చిత్రం ‘ఆ.. ఒక్కటీ అడక్కు’. ఆద్యంతం వినోదాత్మకంగా ఉంటుంది’’ అన్నారు అల్లరి నరేశ్. ఆయన హీరోగా నటించిన ఈ సినిమాని మల్లి అంకం తెరకెక్కించారు. -
‘హౌస్ఫుల్ 5’.. ‘జాలీ ఎల్ఎల్బీ 3’
‘బడేమియా ఛోటేమియా’తో ఇటీవలే ప్రేక్షకులను పలకరించిన బాలీవుడ్ కథానాయకుడు అక్షయ్ కుమార్.. ప్రస్తుతం వరుస సినిమాలతో బిజీగా గడుపుతున్నారు. ఆయన ప్రధాన పాత్రలో నటిస్తున్న చిత్రం ‘హౌస్ఫుల్ 5’. -
ప్రభుదేవా షూటింగ్ షురూ
‘ముక్కాల ముక్కాబులా..’ ఇప్పటికీ సినీప్రేమికుల్ని అలరిస్తున్న గీతమిది. ఇందులో ప్రభుదేవా డ్యాన్స్, ఏఆర్. రెహమాన్ సంగీతం అభిమానులను ఉర్రూతలూగించాయి. ఇప్పుడు వీరిద్దరి కాంబినేషన్లో ‘ఏఆర్ఆర్పీడీ6(వర్కింగ్ టైటిల్)’ అనే సినిమా రూపొందుతున్నట్లు ఇటీవలే ప్రకటించింది చిత్రబృందం. -
రిపబ్లిక్ డేకి ‘లాహోర్ 1947’?
ప్రత్యేకమైన రోజున వారి చిత్రాల్ని విడుదల చేసేందుకు సన్నాహాలు చేసుకుంటున్నారు బాలీవుడ్ దర్శకనిర్మాతలు. ఇప్పుడదే పనిలో బిజీగా ఉంది ‘లాహోర్: 1947’ చిత్రబృందం. -
ఈటీవీ విన్లో ప్రణయ విలాసం
‘ప్రేమలు’ సినిమాలో తన నటనతో సినీప్రియులను మెప్పించింది మలయాళ కథానాయిక మమితా బైజు. ఆమె, అర్జున్ అశోకన్ జంటగా నటించిన చిత్రం ‘ప్రణయ విలాసం’. నిఖిల్ మురళి తెరకెక్కించారు. -
చాలా సన్నివేశాలు షాక్కు గురి చేస్తాయి
‘‘ప్రేక్షకుల్ని సీటు అంచున కూర్చోబెట్టే వినూత్నమైన కథతో రూపొందిన థ్రిల్లర్ చిత్రం ‘ప్రసన్న వదనం’. దీంట్లో చాలా సన్నివేశాలు షాక్కు గురి చేసేలా ఉంటాయి’’ అన్నారు సుహాస్. ఆయన హీరోగా నటించిన ఈ సినిమాని అర్జున్ వై.కె తెరకెక్కించారు. -
ఫొటోషూట్లో హొయలు.. వావ్ అనిపించేలా జాన్వీ.. కట్టిపడేసిన హెబ్బా
సినీ తారలు సోషల్ మీడియా వేదికగా అభిమానులతో పంచుకున్న విశేషాలివీ.. -
ఆ క్యారెక్టర్ ప్లే చేయాలంటే భయమేసింది: రాశీఖన్నా
తాను సవాలుగా స్వీకరించి నటించిన పాత్రల గురించి రాశీఖన్నా ఓ ఇంటర్వ్యూలో తెలిపారు. అవేంటంటే? -
అభిమాని బర్త్డే సెలబ్రేట్ చేసి.. ఖరీదైన గిఫ్ట్ ఇచ్చి.. వీడియో వైరల్
తన అభిమానికి జీవితంలో మరిచిపోలేని జ్ఞాపకాన్ని ఇచ్చారు బాలీవుడ్ నటుడు జాన్ అబ్రహం.
తాజా వార్తలు (Latest News)
-
లాభాల్లో సూచీలు.. 75,000 ఎగువకు సెన్సెక్స్.. 22,750 పైన నిఫ్టీ
-
భారత్పై బైడెన్కు అమితమైన గౌరవం: శ్వేతసౌధం
-
ఈనాడు.నెట్లో టాప్ 10 వార్తలు @ 9 AM
-
ఎండలిలా.. ప్రచారమెలా..!: ప్రజలను కలిసేందుకు నేతల రకరకాల యత్నాలు
-
బకాయిలు కట్టకపోతే కరెంట్ కట్!.. ఉద్యోగులకు ప్రభుత్వం హెచ్చరిక
-
రివ్యూ: శబరి.. వరలక్ష్మీ శరత్కుమార్ నటించిన థ్రిల్లర్ ఎలా ఉంది?