Sampoornesh Babu: నవ్వులు పంచే ‘ధగడ్‌ సాంబ’

సంపూర్ణేష్‌ బాబు, సోనాక్షి జంటగా ఎన్‌.ఆర్‌.రెడ్డి తెరకెక్కిస్తున్న చిత్రం ‘ధగడ్‌ సాంబ’. ఆర్‌ఆర్‌ నిర్మాత. జ్యోతి, చలాకి చంటి, మిర్చి మాధవి కీలక పాత్రలు పోషించారు. ఈ సినిమాలో సంపూ, సూఫీ సయ్యద్‌లపై చివరి పాట చిత్రీకరణ తాజాగా పూర్తయింది. ఈ విషయాన్ని చిత్ర బృందం శుక్రవారం ప్రకటించింది. ‘‘వినోదభరిత కథాంశంతో చక్కటి యాక్షన్‌ ఎంటర్‌టైనర్‌గా చిత్రాన్ని రూపొందిస్తున్నాం. ఇందులో సంపూని సరికొత్తగా చూస్తారు. సోనాక్షి నటన చిత్రానికి అదనపు ఆకర్షణగా నిలుస్తుంది. ప్రస్తుతం నిర్మాణాంతర కార్యక్రమాలు జరుగుతున్నాయి. త్వరలో మరిన్ని వివరాలు తెలియజేస్తాం’’ అని నిర్మాత తెలిపారు. సంగీతం: డేవిడ్‌.జి, ఛాయాగ్రహణం: ముజీర్‌ మాలిక్‌.