Damini bhatla: ఊహించని ట్విస్ట్‌.. బిగ్‌బాస్‌ నుంచి సింగర్‌ దామిని ఎలిమినేట్‌

హైదరాబాద్‌: బిగ్‌బాస్‌ సీజన్‌-7 నుంచి మూడో వారం గాయని దామిని భట్ల (Damini) ఎలిమినేట్‌ అయింది. ఈ వారం ప్రియాంక జైన్‌, శుభశ్రీ, రతికా రోజ్‌, దామిని, ప్రిన్స్‌ యావర్‌, గౌతమ్‌కృష్ణ, అమర్‌దీప్‌లు నామినేషన్స్‌ ఉండగా, చివరకు దామిని, శుభశ్రీ మిగిలారు. ఈ సందర్భంగా ఇద్దరి ఫొటోలను షిప్‌లపై అంటించి ‘ఏది పేలిపోతే వారు ఎలిమినేట్‌ అయినట్లు’ అని నాగార్జున ప్రకటించగా, దామిని ఫొటో అంటించిన షిప్‌ పేలిపోయింది. దీంతో ఆమె ఎలిమినేట్‌ అయినట్లు నాగార్జున ప్రకటించారు. దామిని పేరు ప్రకటించగానే ప్రియాంక జైన్‌, సందీప్‌ మాస్టర్‌ భావోద్వేగానికి గురయ్యారు. ‘ఇదంతా గేమ్‌ అమ్మా.. ఎమోషన్‌ అవ్వొద్దు’ అని శివాజీ హితవు పలికాడు. అంతకు ముందు ‘స్కంద’ మూవీ ప్రమోషన్స్‌లో భాగంగా యువ కథానాయకుడు రామ్‌ పోతినేని బిగ్‌బాస్‌ వేదికపైకి వచ్చి సందడి చేశారు. హౌస్‌మేట్స్‌తో డ్యాన్స్‌ వేయించారు.

హౌస్ నుంచి బయటకు వచ్చిన దామిని ఇంకొన్ని రోజులు బిగ్‌బాస్‌లో (Bigg Boss Telugu 7) ఉంటానని అనుకున్నానని దామిని చెప్పింది. ‘‘ఎలిమినేషన్‌ అస్సలు ఊహించలేదు. హౌస్‌లోకి వచ్చి మూడు వారాలే కావడంతో, ఇంట్లో వాళ్లను వదిలేసి వచ్చానన్న ఫీలింగ్‌ కూడా లేదు. ఇంకా ముందుకు వెళ్తానని అనిపించింది’ అని దామిని చెప్పింది. ఈ సందర్భంగా హౌస్‌మేట్స్‌ ఫొటోలు అంటించిన బెలూన్స్‌ను బద్దలు కొట్టి ప్రతి ఒక్కరికీ ఒక సలహా ఇవ్వమని నాగార్జున సూచించారు.

• రతిక: వాదన చేస్తున్నప్పుడు సగం సగం వినకు ముఖ్యమైన పాయింట్లకే జవాబు ఇవ్వు. 
• తేజ: ఎవరి మనసు నొప్పించనని తేజ కొన్ని రూల్స్‌ పెట్టుకున్నాడు. ఈ షోలో అది వర్కవుట్‌ అవదు. చెప్పాలనుకున్నది ముఖంపైనే చెప్పు.
• ప్రిన్స్‌ యావర్‌: ఏం చెప్పినా ముందు అర్థం చేసుకో. తొందరపడొద్దు. తెలుగు అర్థం చేసుకో. తెలియకపోతే హౌస్‌మేట్స్‌ను అడుగు.
• సందీప్‌: కొంచెం తక్కువ ఆడండి. అందరినీ డామినేట్‌ చేస్తున్నారు. గతవారం టాస్క్‌లో కొంచెం ఫేవర్‌ చూపించారు.
• శుభశ్రీ: చాలా ట్రిక్కీ. హౌస్‌లో కొంచెం ఎక్కువ పనిచెయ్‌. ఏయే పనులు చేయాలో మిగిలిన వాళ్లను అడుగు. 
• శోభ: కేవలం ప్రియాంక, అమర్‌దీప్‌లతోనే కాదు, అందరితోనూ కలిసి ఉండు. తేజను దూరం పెట్టు. అతను నిన్ను ఆడనివ్వడు.
• శివాజీ: నేను సేఫ్‌ ఆడానని మీరు అన్నారు. మీరు ఒకరిద్దరికి ఫేవర్‌గా ఉండటం నాకు నచ్చలేదు. (మధ్యలో శివాజీ కలగజేసుకుని, నేను చెప్పింది నిజమో? కాదో? మీ స్నేహితులను అడుగు. ఒకసారి ఇప్పటివరకూ జరిగిన బిగ్‌బాస్‌ చూడు. నాది తప్పు అయితే, నేను అన్న మాటలు వెనక్కి తీసుకుని, నీకు క్షమాపణ చెబుతా’ అన్నాడు)
• ప్రియాంక: ఇంకా ఇంకా బాగా ఆడు. నాలాగా ఎక్కువ సేపు కిచెన్‌లో ఉండొద్దు.
• గౌతమ్‌: మంచి స్నేహితుడు. ‘అన్నీ నాకే తెలుస’ని అనుకుంటావు. అది తగ్గించుకో..
• అమర్‌దీప్‌: అందరితోనూ ఒకేలా ఉండండి. ముందు నుంచి పరిచయం ఉన్న వాళ్లతో కూడా మీరు చెప్పాలనుకున్నది స్పష్టం చెప్పండి. 
• ప్రశాంత్‌: ఏం చెప్పినా చేస్తాడు. కానీ, గోడమీద బల్లిలా ఉంటాడు. నామినేషన్స్‌ రోజున మాత్రం పులిలా మారిపోతాడు.