Salman Khan:సూపర్‌హిట్‌ చిత్రానికి సీక్వెల్‌ ప్రకటించిన సల్మాన్‌ఖాన్‌

ఇంటర్నెట్ డెస్క్‌: బాలీవుడ్‌ అత్యుత్తమ చిత్రాల్లో ‘బజరంగీ భాయిజాన్‌’ ఒకటి. ప్రముఖ నటుడు సల్మాన్‌ ఖాన్‌ నటించిన ఈ చిత్రం అందరి హృదయాల్ని హత్తుకుంది. బాక్సాఫీసు వద్ద వసూళ్ల వర్షం కురిపించింది. ఈ భావోద్వేగ సినిమాకి సంబంధించి సల్మాన్‌ ఓ శుభవార్త వినిపించారు. ఈ సూపర్‌హిట్‌ చిత్రానికి సీక్వెల్‌ తీసుకొస్తున్నట్టు ఆదివారం ప్రకటించారు. ‘బజరంగీ..’కి కథ అందించిన విజయేంద్ర ప్రసాదే (దర్శకుడు రాజమౌళి తండ్రి) కొనసాగింపు చిత్రానికీ కథ అందిస్తారని తెలిపారు. ఈ ప్రాజెక్టుకు సంబంధించిన మరిన్ని వివరాలు త్వరలో తెలియనున్నాయి. కబీర్‌ఖాన్‌ దర్శకత్వం వహించిన ‘బజరంగీ..’ 2015 జులై 17న విడుదలైంది. పాకిస్థాన్‌కు చెందిన మూగ, చెవిటి చిన్నారిని తన కన్నవారి వద్దకు చేర్చేందుకు భారతీయ యువకుడు ఎన్ని కష్టాలు ఎదుర్కొన్నాడనేది ఈ చిత్ర కథ.

► Read latest Cinema News and Telugu News