Tulasivanam: నేడే ఈటీవీ విన్‌లో ‘తులసీవనం’

అక్షయ్‌ లగుసాని, వెంకటేశ్‌ కాకమాను, ఐశ్వర్య, విష్ణు ప్రధాన పాత్రల్లో అనిల్‌ రెడ్డి తెరకెక్కించిన రొమాంటిక్‌ కామెడీ సిరీస్‌ ‘తులసీవనం’. దర్శకుడు తరుణ్‌ భాస్కర్‌ సమర్పిస్తున్నారు. వినోదాత్మకంగా సాగే ఈ సిరీస్‌ ప్రముఖ ఓటీటీ వేదిక ఈటీవీ విన్‌లో గురువారం నుంచి ప్రసారం కానున్నట్లు సిరీస్‌ బృందం తెలిపింది. కుటుంబ విషయాలు, క్రికెట్‌లో రాణించాలనే సాహసోపేతమైన కలల మధ్య నలిగిపోతున్న తులసి అనే యువకుడి జీవితాన్ని ఇందులో చూపించనున్నారు. మరి తులసి తన జీవితంలో విరాట్‌ కోహ్లిగా ఆవిర్భవిస్తాడా, లేదా ఉన్న జీవితంతో సరిపెట్టుకుంటడా అనేది తెలియాలంటే ఈ సిరీస్‌ చూడాల్సిందే. ఆరు ఎపిసోడ్స్‌తో, అందరి కథలా అనిపించేలా, అలరించేందుకు సిద్ధంగా ఉందీ ప్రాజెక్టు అని అంటున్నాయి సన్నిహిత వర్గాలు.