Vijay: ఏప్రిల్‌ తొలి వారంలో?

తమిళ కథా నాయకుడు విజయ్‌, దర్శకుడు వంశీ పైడిపల్లి కలయికలో ఓ చిత్రం రూపొందనున్న సంగతి తెలిసిందే. తెలుగు, తమిళ భాషల్లో ఏకకాలంలో తెరకెక్కనున్న ఈ సినిమాని దిల్‌రాజు నిర్మిస్తున్నారు. ఫ్యామిలీ ఎమోషన్స్‌తో కూడిన మాస్‌ ఎంటర్‌టైనర్‌గా ఈ చిత్రం రూపొందనుంది. రెగ్యులర్‌ చిత్రీకరణ ఏప్రిల్‌ తొలి వారంలో ప్రారంభం కానుందని సమాచారం. ఈ చిత్రాన్ని దాదాపుగా చెన్నైలోనే చిత్రీకరించనున్నట్లు తెలుస్తోంది. కొన్ని కీలక భాగాలను హైదరాబాద్‌తో పాటు విదేశాల్లో ప్లాన్‌ చేసినట్లు చిత్రవర్గాలు చెబుతున్నాయి. ఈ సినిమాలో విజయ్‌కు జోడీగా రష్మిక కనిపించనున్నట్లు ప్రచారం వినిపిస్తోంది.