BRS: భారాస మహారాష్ట్ర ఇన్‌ఛార్జిగా కల్వకుంట్ల వంశీధర్‌రావు

హైదరాబాద్‌: భారాస మహారాష్ట్ర ఇన్‌ఛార్జిగా ముఖ్యమంత్రి కేసీఆర్‌ అన్న కుమారుడు కల్వకుంట్ల వంశీధర్‌రావును నియమించారు. కేసీఆర్‌ ఛైర్మన్‌గా 15 మందితో తాత్కాలిక స్టీరింగ్‌ కమిటీని భారాస ఏర్పాటు చేసింది. కమిటీ వివరాలను భారాస జాతీయ ప్రధాన కార్యదర్శి హిమాంషు తివారీ వెల్లడించారు. 

మహారాష్ట్రలోని నలుగురు మాజీ ఎమ్మెల్యేలు, మాజీ ఎంపీలతో పాటు వంశీధర్‌రావు కూడా స్టీరింగ్‌ కమిటీ సభ్యులుగా ఉన్నారు. మహారాష్ట్రలోని ఆరు రీజియన్లకు కో ఆర్డినేటర్లను, సహ కోఆర్డినేటర్లను భారాస నియమించింది. ఔరంగబాద్‌ కు సోమనాథ్ థోరాట్, నిఖిల్ దేశ్ ముఖ్, నాగపూర్‌కు మాజీ ఎమ్మెల్యే చరణ్ వగ్మారే, నాసిక్ కు నానా బచ్చావ్, పుణెకు బీజే దేశ్ ముఖ్, ముంబయికి విజయ్ మొహితే కోఆర్డినేటర్లుగా వ్యవహరిస్తారని భారాస జాతీయ ప్రధాన కార్యదర్శి హిమాంషు తివారీ తెలిపారు.