Published : 11/03/2020 15:06 IST

‘మధ్యప్రదేశ్‌ వైరస్‌’ మహారాష్ట్రకు చేరదు: రౌత్‌

ముంబయి: మహారాష్ట్రలో శివసేన నేతృత్వంలోని ‘మహా వికాస్‌ ఆఘాడీ’(ఎంవీఏ) ప్రభుత్వానికి ఎలాంటి ఢోకా లేదని ఆ పార్టీ ముఖ్యనేత సంజయ్‌ రౌత్‌ విశ్వాసం వ్యక్తం చేశారు. ‘మధ్యప్రదేశ్‌ వైరస్‌’ తమ దరికి చేరే అవకాశమే లేదని వ్యాఖ్యానించారు. పరోక్షంగా జ్యోతిరాదిత్య సింధియా రాజీనామా తర్వాత మధ్యప్రదేశ్‌లో నెలకొన్న రాజకీయ సంక్షోభాన్ని ఉద్దేశించి ఆయన ఈ వ్యాఖ్యలు చేశారు. ఈ సందర్భంగా ఆయన భాజపాపై కూడా పరోక్ష విమర్శలు చేశారు. 100 రోజుల క్రితమే ఆ పార్టీ చేసిన ప్రయోగం ఘోరంగా విఫలమైందని.. ఎంవీఏ కూటమి రూపంలో మహారాష్ట్రను కాపాడుకున్నామని వ్యాఖ్యానించారు. 

మహారాష్ట్రలో అనేక నాటకీయ పరిణామాల తర్వాత శివసేన, ఎన్సీపీ, కాంగ్రెస్ కలిసి ప్రభుత్వాన్ని ఏర్పాటు చేసిన విషయం తెలిసిందే. అంతకుముందు ఎన్సీపీకి చెందిన అజిత్‌ పవార్‌ మద్దతుతో భాజపా నేత దేవేంద్ర ఫడణవీస్‌ సీఎంగా బాధ్యతలు చేపట్టారు. కానీ, మెజార్టీ కూడగట్టడంలో విఫలమవడంతో 80 గంటలు గడవకముందే రాజీనామా చేశారు. తాజాగా మధ్యప్రదేశ్‌లో కాంగ్రెస్‌కు చెందిన 22 మంది ఎమ్మెల్యేలు తిరుగుబాటు బావుటా ఎగురవేయడంతో కమల్‌నాథ్‌ ప్రభుత్వం గడ్డు పరిస్థితులు ఎదుర్కొంటోంది. భాజపా అధికారం కోసమే ఇలాంటి పనులు చేయిస్తోందని కాంగ్రెస్‌ ఆరోపిస్తోంది. ఈ నేపథ్యంలోనే సంజయ్‌ రౌత్‌ స్పందించారు.

Read latest Politics News and Telugu News

 Follow us on Facebook, Twitter, Instagram, Koo, ShareChat and Google News. Subscribe our Telegram Channel.

Advertisement

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

వెబ్ ప్రత్యేకం

మరిన్ని

జాతీయం

మరిన్ని

జనరల్

మరిన్ని