సమావేశాలు కుదించం: ప్రహ్లాద్‌ జోషి

దిల్లీ: ప్రస్తుతం కొనసాగుతున్న పార్లమెంట్‌ బడ్జెట్‌ సమావేశాలను ఎట్టి పరిస్థితుల్లోనూ కుదించబోమని పార్లమెంటరీ వ్యవహారాల శాఖ మంత్రి ప్రహ్లాద్‌ జోషి స్పష్టం చేశారు. బడ్జెట్‌ సమావేశాలు కుదిస్తారన్న వార్తల నేపథ్యంలో ఈ మేరకు ఆయన స్పందించారు. పార్లమెంట్‌ బడ్జెట్‌ సమావేశాలు కుదించాలన్న ప్రశ్నే ఉత్పన్నం కాదని జోషి పేర్కొన్నారు.

పార్లమెంట్‌ బడ్జెట్‌ సమావేశాలు ఈ ఏడాది జనవరి 31న మొదలైన సంగతి తెలిసిందే. ఫిబ్రవరి 1న నిర్మలాసీతారామన్‌ బడ్జెట్‌ను ప్రవేశపెట్టారు. తొలి విడత సమావేశాలు ఫిబ్రవరి 11తో ముగిశాయి. మళ్లీ మార్చి 2 నుంచి రెండో విడత బడ్జెట్‌ సమావేశాలు ప్రారంభమయ్యాయి. ఏప్రిల్‌ 3 వరకు జరగనున్నాయి.