వైకాపాలో చేరిన తెదేపా నేత రామచంద్రరావు

కండువా కప్పి పార్టీలోకి ఆహ్వానించిన సీఎం జగన్‌

ఈనాడు, అమరావతి: విశాఖపట్నానికి చెందిన తెదేపా నేత గంపల వెంకట రామచంద్రరావు, ఆయన భార్య సంధ్యారాణి వైకాపాలో చేరారు. సోమవారం వారు తాడేపల్లిలో ముఖ్యమంత్రి క్యాంపు కార్యాలయంలో సీఎం జగన్‌ను కలిశారు. ఆయన వారికి కండువా కప్పి పార్టీలోకి ఆహ్వానించారు. రామచంద్రరావు గతంలో విశాఖ దక్షిణ, తూర్పు నియోజకవర్గాల్లో తెదేపా ఎన్నికల బాధ్యుడిగా పనిచేశారు. గతంలో ప్రజారాజ్యం పార్టీలో పనిచేసి ప్రస్తుతం సేవా కార్యక్రమాల్లో ఉన్న అచ్యుతరావు కూడా వైకాపాలో చేరారు. వైకాపా విశాఖ ప్రాంతీయ సమన్వయకర్త వైవీ సుబ్బారెడ్డి, విశాఖ ఆకర్షణీయ నగర సంస్థ మాజీ ఛైర్మన్‌ వెంకటేశ్వరరావు పాల్గొన్నారు.