‘మీ సర్పంచి ఓడినా.. గెలిచినట్లు ప్రకటించా’

కోవూరు ఎమ్మెల్యే నల్లపరెడ్డి ప్రసన్నకుమార్‌రెడ్డి వ్యాఖ్య

విడవలూరు, న్యూస్‌టుడే: ‘మీ ఊరి సర్పంచి ఓడినా.. గెలిచినట్లు ప్రకటించాను. నన్నే మోసం చేసి వెళ్లిపోతారా’ అంటూ కోవూరు ఎమ్మెల్యే నల్లపరెడ్డి ప్రసన్నకుమార్‌రెడ్డి చేసిన వ్యాఖ్యలు చర్చనీయాంశంగా మారాయి. శ్రీపొట్టిశ్రీరాములు నెల్లూరు జిల్లా విడవలూరులో శుక్రవారం వైకాపా నాయకుల ఆత్మీయ సమావేశం నిర్వహించారు. నల్లపరెడ్డి మాట్లాడుతూ.. ‘పార్టీలో చేర్చుకుంటే నా పేరు వాడుకొని చివరకు డబ్బు సంచుల కోసం వెళ్లిపోతారా’ అంటూ ధ్వజమెత్తారు. ఇటీవల పలువురు వైకాపా నాయకులను తెదేపా ఎంపీ అభ్యర్థి వేమిరెడ్డి ప్రభాకర్‌రెడ్డి కలిసి మద్దతు తెలపాలని కోరగా వారు సరేననడంతో ప్రసన్న ఇలా స్పందించారు.