వివేకా హత్యలో జగన్‌, భారతిల ప్రమేయం

ఎంపీ రఘురామ

భీమవరం పట్టణం, కాళ్ల, న్యూస్‌టుడే: ఏపీ మాజీ మంత్రి వైఎస్‌ వివేకానందరెడ్డి హత్యలో సీఎం వైఎస్‌ జగన్‌మోహన్‌రెడ్డి, ఆయన భార్య భారతి ప్రమేయం ఉందనడంలో తనకు ఎలాంటి సందేహం లేదని నరసాపురం ఎంపీ, తెదేపా నేత కనుమూరి రఘురామకృష్ణరాజు పేర్కొన్నారు. భీమవరంలోని తన నివాసంలో మంగళవారం నిర్వహించిన ‘రచ్చబండ’ కార్యక్రమంలో ఆయన మాట్లాడారు. వివేకా కుమార్తె డాక్టర్‌ సునీత తాజా విలేకర్ల సమావేశంలో చెప్పిన నిజం ఇదేనని తాను భావిస్తున్నానన్నారు. ఈ కేసులో సీబీఐ విచారణ పూర్తయితే ప్రస్తుతానికి సూత్రధారిగా భావిస్తున్న కడప ఎంపీ అవినాష్‌రెడ్డి పాత్రధారిగా మారతారన్నారు.