Jaggareddy: పీసీసీ చీఫ్ పదవి కోరుకోవడం తప్పు కాదు: జగ్గారెడ్డి

హైదరాబాద్‌: భారాస అధినేత కేసీఆర్‌ అధికారం కోల్పోయి ఫ్రస్టేషన్‌లో ఏది పడితే అది మాట్లాడుతున్నారని పీసీసీ కార్యనిర్వాహక అధ్యక్షుడు జగ్గారెడ్డి విమర్శించారు. లోక్‌సభ ఎన్నికల్లో రాష్ట్రంలో 12 నుంచి 14 స్థానాలు గెలుస్తామని ధీమా వ్యక్తం చేశారు. వంద రోజుల రేవంత్‌ పాలనకు వంద మార్కులు వేస్తున్నట్టు చెప్పారు. తెలంగాణ ప్రభుత్వానికి అవమానం 2.. రాజపూజ్యం 16 అని వ్యాఖ్యానించారు. కాంగ్రెస్‌ పాలన ఎలా ఉందో ఆర్టీసీలో ప్రయాణం చేసే మహిళల్ని అడగాలని సూచించారు. పీసీసీ చీఫ్‌ పదవి కోరుకోవడం కొత్త కాదు.. అడగడం తప్పు కాదన్నారు. పీసీసీ మార్పునకు ఇంకా కొంత సమయం ఉందని, తొందరేమీ లేదని వ్యాఖ్యానించారు. పీసీసీ అధ్యక్షుడు, సీఎం ఒక్కరే ఉంటే బాగుంటుందని రేవంత్‌రెడ్డినే కొనసాగిస్తున్నారని తెలిపారు.