Andhra News: తెదేపా ఆందోళనలో తీవ్ర ఉద్రిక్తత.. నల్లారి కిశోర్‌కుమార్‌రెడ్డి హౌస్‌ అరెస్ట్‌

కలికిరి: చిత్తూరు జిల్లాలో తెదేపా కార్యకర్తపై దాడిని నిరసిస్తూ ఆ పార్టీ నేతలు చేపట్టిన ఆందోళన కార్యక్రమం తీవ్ర ఉద్రిక్తతకు దారి తీసింది. సదుం మండలం బూరగమందకు చెందిన రాజారెడ్డిపై వైకాపా నేతలు దాడికి పాల్పడ్డారంటూ కల్లూరు పోలీస్‌స్టేషన్‌ ఎదుట నిరసన తెలిపేందుకు బయల్దేరిన తెదేపా నేతలను పోలీసుల అడ్డుకున్నారు.

కలికిరి మండలం నగరిపల్లెలో తెదేపా నేత నల్లారి కిశోర్‌కుమార్‌రెడ్డిని పోలీసులు గృహనిర్బంధం చేశారు. కిశోర్‌ను హౌస్‌ అరెస్ట్‌ చేయడంపై కార్యకర్తలు తీవ్ర ఆగ్రహం వ్యక్తం చేశారు. మరోవైపు కల్లూరు పోలీస్‌స్టేషన్‌ వద్ద ఆందోళన చేస్తున్న తెదేపా కార్యకర్తలపై పోలీసులు లాఠీఛార్జ్‌ చేశారు.