పార్టీ నేత అసభ్యపదజాలంతో దూషించాడని..

యూపీలో పోటీ నుంచి తప్పుకున్న కాంగ్రెస్‌ మహిళా అభ్యర్థి

బుఢ్వాన్‌: పార్టీ జిల్లా అధ్యక్షుడు తనను అసభ్యపదజాలంతో దూషించారని పేర్కొంటూ ఉత్తర్‌ప్రదేశ్‌లోని షేకూపుర అసెంబ్లీ కాంగ్రెస్‌ అభ్యర్థి ఫర్హా నయీమ్‌ పోటీ నుంచి వైదొలగుతున్నట్లు ప్రకటించారు. ‘‘మహిళలు పోరాడగలరని ప్రియాంక గాంధీ నాకు టికెటిచ్చారు. కానీ పార్టీ జిల్లా అధ్యక్షుడు ఓంకార్‌ నన్ను అసభ్యపదజాలంతో దూషిస్తున్నారు. పార్టీలో పెద్దలకు చెప్పినా ఫలితం లేకపోయింది. అందుకే పోటీ నుంచి వైదొలగుతున్నాను. పార్టీ ప్రాథమిక సభ్యత్వానికీ రాజీనామా చేస్తున్నాను’’ అని గురువారం ఫర్హా విలేకరుల సమావేశంలో తెలిపారు.