IPL 2021: వచ్చే ఏడాది ఆడతానో లేదో: ధోనీ

దుబాయ్‌: వచ్చే ఏడాది కూడా చెన్నై సూపర్‌కింగ్స్‌తో ధోని అనుబంధం కొనసాగనుంది. అయితే చెన్నైతోనే ఉన్నా.. 2022లో తాను ఆడతానా లేదా అన్నది చెప్పలేనని ధోని చెప్పాడు. అది రిటెన్షన్‌ విధానంపై ఆధారపడి ఉంటుందని అన్నాడు. ‘‘మీరు నన్ను పసుపు రంగు దుస్తుల్లో చూడొచ్చు. కానీ నేను సీఎస్కే తరఫున ఆడతానా లేదా అన్నది చెప్పలేను. ఈ విషయంలో చాలా అనిశ్చితి ఉంది. రెండు కొత్త జట్లు రానుండడమే అందుకు కారణం. ఆటగాళ్లను అటిపెట్టుకునే విధానం ఎలా ఉంటుందో తెలియదు. ఎంతమంది విదేశీయులను, ఎంత మంది భారత ఆటగాళ్లను అట్టిపెట్టుకోవచ్చో తెలియదు’’ అని ధోని చెప్పాడు.