Breaking | Feedback | ePratibha | E-PAPER | Pratibha

నేనీ విషయం చెప్పానని పాండ్యకు చెప్పండి: బుమ్రా

ముంబయి ఇండియన్స్‌, టీమ్‌ఇండియా ఆటగాడు హార్దిక్‌ పాండ్య అంటే ఠక్కున గుర్తొచ్చేది అతడి చితక బాదుడే. క్రీజులో ఉన్నంతసేపు సిక్సుల వర్షం కురిపించడమే...

Published : 19 Nov 2020 17:10 IST

ఇంటర్నెట్‌డెస్క్‌: ముంబయి ఇండియన్స్‌, టీమిండియా ఆటగాడు హార్దిక్‌ పాండ్య అంటే ఠక్కున గుర్తొచ్చేది అతడి బ్యాటింగ్‌. క్రీజులో ఉన్నంతసేపూ సిక్సుల వర్షమే. బౌలర్లను హడలెత్తిస్తూ స్కోరు బోర్డును పరుగులు పెట్టించడమే. మరి అలాంటి క్రికెటర్‌ గురించి ఒక్కమాటలో చెప్పాలంటే ఎవరైనా ఏమంటారు? ఏ హిట్టరనో.. ఆల్‌రౌండర్‌ అనో.. మ్యాచ్‌ ఫినిషనరనో అభివర్ణిస్తారు. అదే ముంబయి ఇండియన్స్‌ జట్టు సభ్యులను ఇదే ప్రశ్న అడిగితే ఏమంటారో తెలుసా..?

బ్యాటింగ్‌ కోచ్‌ మహేలా జయవర్దనేని ఈ ప్రశ్న అడిగితే ‘వ్యక్తిత్వం’ (క్యారెక్టర్‌) అని సమాధానం ఇచ్చాడు. ఆ జట్టు డైరెక్టర్‌ ఆఫ్‌ క్రికెట్‌ ఆపరేషన్స్‌ జహీర్‌ ఖాన్‌ను అడిగితే ‘శక్తి సామర్థ్యం’ అని బదులిచ్చాడు. బౌలింగ్ కోచ్‌ షేన్‌ బాండ్‌ అయితే అతడో ‘లెజెండ్’ అంటూ కొనియాడాడు. ఇక సహచర ఆటగాడు జస్ప్రీత్ ‌బుమ్రా మాత్రం హార్దిక్‌ అందగాడంటూ కితాబిచ్చాడు. తానూ విషయం చెప్పానని అతడికి చెప్పండని అన్నాడు. చివరగా ముంబయి బ్యాట్స్‌మన్‌ ఆదిత్య తారెను అడిగితే.. ‘రాక్‌స్టార్‌’తో పోల్చాడు. ఈ వీడియోను ముంబయి టీమ్‌ తాజాగా ట్విటర్‌లో పంచుకుంది.

► Read latest Sports News and Telugu News

► Follow us on Facebook, Twitter, Instagram & Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.