జకో @ 1

మెల్‌బోర్న్‌: పదోసారి ఆస్ట్రేలియన్‌ ఓపెన్‌ నెగ్గిన సెర్బియా స్టార్‌ నొవాక్‌ జకోవిచ్‌ తిరిగి నంబర్‌వన్‌ ర్యాంకు సాధించాడు. సోమవారం ప్రకటించిన పురుషుల సింగిల్స్‌ ర్యాంకింగ్స్‌లో అల్కారస్‌ (స్పెయిన్‌)ను పక్కకి నెట్టి టాప్‌ ర్యాంకు సొంతం చేసుకున్నాడు. అల్కారస్‌, సిట్సిపాస్‌ (గ్రీస్‌), రూడ్‌ (నార్వే), రుబ్లెవ్‌ (రష్యా) వరుసగా టాప్‌-5లో చోటు దక్కించుకున్నారు. రఫెల్‌ నాదల్‌ రెండు నుంచి ఆరో ర్యాంకుకు పడిపోయాడు. ఆస్ట్రేలియన్‌ ఓపెన్‌ విజేత సబలెంకా (బెలారస్‌) మహిళల జాబితాలో రెండో ర్యాంకు సాధించింది. స్వైటెక్‌ (పోలెండ్‌) అగ్రస్థానంలో ఉండగా.. జాబెర్‌ (ట్యునీసియా), పెగులా (అమెరికా), గార్సియా (ఫ్రాన్స్‌) వరుసగా 3, 4, 5 ర్యాంకులు సాధించారు.