IND vs NZ: సమష్టి కృషికి ఫలితమిది.. భారత్‌ విజయంపై దిగ్గజ క్రికెటర్ల స్పందన

ఇంటర్నెట్‌ డెస్క్‌: ముంబయి వేదికగా న్యూజిలాండ్‌తో జరిగిన రెండో టెస్టు మ్యాచ్‌లో టీమ్‌ఇండియా 372 పరుగుల భారీ తేడాతో విజయం సాధించిన విషయం తెలిసిందే. దీంతో రెండు టెస్టుల సిరీస్‌ను భారత్‌ 1-0 తేడాతో కైవసం చేసుకున్నట్లయింది. పరుగుల పరంగా టెస్టుల్లో టీమ్‌ఇండియాకిదే భారీ విజయం కావడం గమనార్హం. భారత్ ఘన విజయంపై పలువురు క్రికెటర్లు ప్రశంసలు కురిపించారు. మాజీ దిగ్గజ క్రికెటర్లు సునీల్‌ గావస్కర్‌, సచిన్ టెండూల్కర్, వీరేంద్ర సెహ్వాగ్‌,  వీవీఎస్‌ లక్ష్మణ్ సహా రిషభ్‌ పంత్‌, కుల్‌దీప్ యాదవ్‌ లాంటి పలువురు యువ ఆటగాళ్లు టీమ్‌ఇండియా విజయంపై సామాజిక మాధ్యమాల్లో స్పందించారు. భారత జట్టు సమష్టి కృషికి ఫలితం దక్కిందని ప్రశంసించారు.

► Read latest Sports News and Telugu News