IND vs NZ: రెండో సెషన్‌ పూర్తి.. కివీస్‌ ఆధిపత్యం..!

ఇంటర్నెట్‌డెస్క్‌: కివీస్‌తో జరుగుతున్న తొలిటెస్టులో టీమ్‌ఇండియా టీ విరామ సమయానికి 56 ఓవర్లలో 154/4 స్కోర్‌తో నిలిచింది. క్రీజులో శ్రేయస్‌ అయ్యర్‌ (17; 55 బంతుల్లో 2x4), రవీంద్ర జడేజా (6; 13 బంతుల్లో 1x4) ఉన్నారు. భోజన విరామానికి 82/1తో పటిష్ఠ స్థితిలో నిలిచిన భారత్‌.. రెండో సెషన్‌లో మూడు వికెట్లు కోల్పోయి 72 పరుగులు చేసింది. సెషన్‌ మొదలైన తొలి ఓవర్‌లోనే జేమీసన్‌.. గిల్‌ (52; 93 బంతుల్లో 5x4, 1x6)ను బౌల్డ్‌ చేయగా కాసేపటికే టిమ్‌సౌథీ.. ఛెతేశ్వర్‌ పుజారా (26; 88 బంతుల్లో 2x4)ను పెవిలియన్‌కు పంపాడు. తర్వాత జేమీసన్‌.. కెప్టెన్‌ అజింక్య రహానె (35; 63 బంతుల్లో 6x4)ను ఔట్‌ చేసి భారత్‌కు గట్టి షాకిచ్చాడు. క్రీజులో ఉన్న శ్రేయస్‌, జడేజా మరో వికెట్‌ పడకుండా రెండో సెషన్‌ను పూర్తి చేశారు.