Zero Shadow Day: 9న మధ్యాహ్నం 12.12కు హైదరాబాద్‌లో నీడ కనిపించదు

నారాయణగూడ, న్యూస్‌టుడే: నీడ కనిపించని ‘జీరో షాడో డే’ హైదరాబాద్‌లో ఈ నెల 9న మధ్యాహ్నం 12:12 గంటలకు ఏర్పడుతుందని బీఎం బిర్లా సైన్స్‌ సెంటర్‌ టెక్నికల్‌ అధికారి ఎన్‌.హరిబాబుశర్మ తెలిపారు. ‘‘ఆ సమయంలో హైదరాబాద్‌లో సూర్యకిరణాలు భూమిపై నిట్టనిలువుగా పడతాయి. 90 డిగ్రీల కోణంలో ఎండలో ఉంచిన ఏ వస్తువు నీడా రెండు నిమిషాల పాటు (12:12 నుంచి 12:14 వరకు) కనిపించదు. మనం ఎండలో నిలుచున్నా.. మన నీడ సైతం కనిపించదు’’ అని తెలిపారు. హైదరాబాద్‌లో ఆగస్టు 3న సైతం ‘జీరో షాడో డే’ ఏర్పడుతుందని వివరించారు. సమయంలో మార్పులతో అన్ని ప్రాంతాల్లో ఇది ఏర్పడుతుందన్నారు.