Breaking | Feedback | ePratibha | E-PAPER | Pratibha

Hansika Motwani: ఆ సమతుల్యత అవసరం

Published : 01 Apr 2023 00:23 IST

హన్సిక

హన్సిక మోత్వానీ.. పరిచయం అక్కర్లేని పేరు. తెలుగు, తమిళ, కన్నడ, మలయాళ, హిందీ సినిమాలూ, వెబ్‌సిరీస్‌లతో ఏడాది పొడవునా ఎంత బిజీగా ఉన్నా సరే! మధ్యలో చిన్న చిన్న హాలిడే ట్రిప్పులు మాత్రం ఉండాల్సిందేనట. చిరకాల మిత్రుడు సోహెల్‌ కథూరియాతో పెళ్లయ్యాక కూడా ఇందులో ఏ మాత్రం మార్పు లేదంటోంది. అందరూ హన్సిక పెళ్లి తర్వాత కొన్నాళ్లు బ్రేక్‌ తీసుకుంటుందనే అనుకున్నారు. కానీ ఆశ్చర్యపరుస్తూ రెండు రోజులకే షూటింగ్‌ స్పాట్‌లో ప్రత్యక్షమైందీ కొత్త పెళ్లికూతురు. టైట్‌ షెడ్యూల్‌ మధ్యలో చిన్న విరామాలు ప్రకటించడం ఆమె అలవాటు. ఈ మధ్య థాయ్‌లాండ్‌లో షూటింగ్‌కు వెళ్లిన హన్సిక దగ్గర్లో ఉన్న క్రాబికి ప్రయాణం కట్టింది. ‘ఈ ట్రిప్‌ మూడురోజులే. ముందుగా ప్లాన్‌ చేసింది కాదు. మా టీమ్‌ అందరినీ తీసుకుని సరదాగా వెళ్లాను. వ్యక్తిగత, వృత్తిగత జీవితాల మధ్య సమతుల్యత చాలా అవసరం. లేదంటే అలసిపోతాం. నాకు సుదీర్ఘ విరామాలు నచ్చవు. అలాగని నిరంతరం కెమెరా ముందే గడపడాన్నీ ఇష్టపడను. పనిని ఆస్వాదిస్తాను. పనిచేస్తేనే సంతోషంగా, సజీవంగా ఉంటాను. అయితే.. ఏడాదికి రెండు పెద్ద విహారాలతో పాటు.. పది పన్నెండు రోజులపాటు నడిచే ప్రాజెక్టుల మధ్య చిన్న విరామం తీసుకుని పర్యటిస్తుంటాను. ఆ ప్రయాణాలే నాకు విశ్రాంతి. అలా సేదతీరితేనే రీఛార్జ్‌ అయ్యి మరింత ఉత్సాహంగా, మెరుగ్గా పని చేయగలను’ అంటోందామె.

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.