Published : 31/10/2022 00:15 IST

ఈ అమ్మాయి వందల మందికి అమ్మ

బాల్య వివాహం అంటే చాలు... క్షణాల్లో అక్కడ వాలిపోతుంది... ఆ పెళ్లిని ఆపే వరకూ ఊరుకోదు. అనాథలు కనిపిస్తే తీసుకెళ్లి ఎక్కడో అక్కడ ఆశ్రయం కల్పిస్తుంది. కరోనాలో అందరూ భయంతో ఇళ్లలో కూర్చుంటే తను ఊళ్లన్నీ తిరుగుతూ.. వలంటీరుగా చేసింది... ఇవన్నీ 21 ఏళ్ల చంద్రలేఖ గురించి అంటే ఆశ్చర్యపోతారు. ఇంకా చాలా చేస్తున్న ఈ అమ్మాయి స్ఫూర్తి గాథ చదవండి...

ఓసారి సుబ్రమణ్యస్వామి ఆలయ ఉత్సవాలు చూడటానికి వెళ్లింది చంద్రలేఖ. అక్కడ రోడ్డు పక్కగా ఓ వృద్ధురాలు కనిపించింది. ఒళ్లంతా గాయాలు, మురికి దుస్తులతో భిక్షాటన చేస్తున్న ఆమెను చూసి కదిలిపోయింది. ఆహారాన్ని అందించింది. వివరాలు అడగ్గా, తన వాళ్లు గెంటేశారని కన్నీళ్లు పెట్టుకుందా పండు వృద్ధురాలు. వెంటనే పబ్లిక్‌ టాయ్‌లెట్‌లో ఆమెకు స్నానం చేయించింది. దుస్తులు మార్చింది. పోలీసుల సాయంతో వృద్ధాశ్రమానికి తరలించింది. అప్పటికి చంద్రకళ ‘బ్యాచిలర్‌ ఆఫ్‌ సోషల్‌ వర్క్‌’ మొదటి ఏడాది చదువుతోంది.

సేవ కోసం సంస్థను..

తమిళనాడు, ఉసిలంపట్టి సమీప గ్రామానికి చెందిన రైతు కుటుంబం చంద్రలేఖ వాళ్లది. కూడళ్లు, రైల్వేస్టేషన్‌, బస్టాండుల్లో అనాథలను చూసినప్పుడు, పోలీసులకు సమాచారాన్ని అందించేది. వారిని పునరావాసానికి పంపే వరకూ చూసుకునేది. ఇంట్లో ఇచ్చే పాకెట్‌ మనీతోనే ఇవన్నీ చేసేది. ‘నా పనుల్ని చూసి, మా కళాశాల ఆచార్యులు, సిబ్బంది, సహ విద్యార్థులూ చేయూత నిచ్చే వారు. 2020లో మదురైలోని తిరునగర్‌లో ‘గుయాస్‌ (గైడన్స్‌ ఆఫ్‌ యూత్‌ అండ్‌ అడోలెసెన్స్‌)’ సంస్థను ప్రారంభించా. ఇప్పటి దాకా వందల అనాథలను వృద్ధాశ్రమాలకు తరలించగలిగా. కొందరిని వారి కుటుంబ సభ్యులకు అప్పగించాం. కుంగుబాటుకు గురై, కుటుంబీకుల వివరాలను చెప్పలేని వారిని ఆశ్రమాల్లోనే సంరక్షిస్తున్నాం. తీవ్ర అనారోగ్యానికి గురైనవారిని ఆసుపత్రుల్లో చేరుస్తున్నాం. శిశు భ్రూణ హత్యలు జరుగుతున్న ప్రాంతాల్లో అవగాహన కలిగిస్తున్నాం. కొన్నిసార్లు నవజాత శిశువును చెత్తకుప్పల్లో పడేస్తుంటారు. మా ఫోన్‌ నెంబరు తెలిసిన వారు సమాచారాన్నిస్తే, ఆ శిశువును రక్షించి పోలీసులకు అప్పగిస్తున్నాం. భిక్షాటన చేస్తున్న చిన్న పిల్లలను హోంలకు తరలిస్తున్నాం. బాల్య వివాహం సమాచారం రాగానే అక్కడకు వెళతాను. దాన్ని నిరోధించడానికి పోలీసుల సాయాన్ని తీసుకుంటా. ఆ తల్లిదండ్రులతో అమ్మాయిలకు చదువెంత ముఖ్యమో అవగాహన కలిగిస్తాను. అలా ఎన్నో బాల్య వివాహాలను ఆపగలిగాం. కొన్ని సార్లు వారి బంధువులు మమ్మల్ని బెదిరిస్తుంటారు... దాడులూ చేశారు. వాటన్నింటినీ ధైర్యంగా ఎదుర్కొంటూ మా పని మేం చేస్తుంటాం. బాలికా విద్య ప్రాముఖ్యత గురించి చెప్పడానికి పాఠశాలలు, కాలేజీల్లో కార్యక్రమాలు చేపడుతున్నాం. పర్యావరణ కాలుష్యాన్ని నిరోధించడం కోసం, మొక్కలు నాటే కార్యక్రమాలను నిర్వహిస్తున్నాం’ అంటున్న చంద్రలేఖ సేవలు ఇప్పుడు మదురై సహా శివగంగ, తేని జిల్లాల్లోనూ విస్తరించాయి.


కొవిడ్‌లో ..

మదురైలో కొవిడ్‌ విజృంభించినప్పుడు  వలంటీరుగా సేవలందించింది. చుట్టుపక్కల గ్రామాల్లో ఇంటింటికీ తిరిగి స్థానికులకు మాస్క్‌లు, శానిటైజర్‌ ఇతరత్రా సాయమూ అందించింది చంద్రలేఖ. ‘చిన్నప్పటి నుంచి స్వామి వివేకానంద, అబ్దుల్‌కలాం రచనలు నాకు స్ఫూర్తి. నా వల్ల ఇతరులకు అందిన సహాయాన్ని గుర్తుకు తెచ్చుకొని ఆ రోజు తృప్తిగా నిద్రపోతుంటా... ఏ రోజైనా చేయలేకపోతే నాకు నిద్రపట్టదు’ అనే చంద్రకళ స్ఫూర్తిదాయకం కదూ...



గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఆ ప్రమాదం.. వ్యాపారవేత్తను చేసింది

సినిమా, కాలక్షేపం, స్నేహితులతో ముచ్చట్లు.. సందర్భం ఏదైనా మనకు చిరుతిళ్లు ఉండాల్సిందే! వాటిని నిల్వ ఉంచడానికి వాడే రసాయనాలు, చక్కెరలు, రిఫైన్డ్‌ ఆయిల్స్‌.. అన్నీ అనారోగ్యకరమైనవే! చదువుతున్నప్పుడు కంటే స్వీయ అనుభవంతో ఈ విషయం మరింత అవగాహనకు వచ్చింది అపూర్వ గురురాజ్‌కు. దీంతో ఆరోగ్యకరమైన చిరుతిళ్లను ఉత్పత్తి చేస్తూ.. విదేశాలకూ ఎగుమతి చేసే స్థాయికి ఎదిగారు. ఆమెను వసుంధర పలకరించగా తన గురించి చెప్పుకొచ్చారిలా.. మాది బెంగళూరు. ఆరేళ్లన్నప్పుడు అమ్మను కోల్పోయా. సివిల్‌ ఇంజినీర్‌ అయిన నాన్న వ్యాపారవేత్త కూడా. నాకేమో ఫోరెన్సిక్‌ శాస్త్రవేత్త కావాలని.. నాన్నేమో ఇంజినీరింగ్‌ చేయాలని.. రెండూ కాక కెమిస్ట్రీ, జువాలజీ, న్యూట్రిషన్‌లున్న ట్రిపుల్‌ మేజర్‌ కోర్సును ఎంచుకున్నా. అది చదివేప్పుడే ఎంటీఆర్‌, పెప్సీ సంస్థల్లో ఇంటర్న్‌గా ఉత్పత్తుల్లో పోషకాల ప్రమాణాల గురించి తెలుసుకున్నా. భారతీయ ఆహారశైలిలో పోషకాలకే ప్రాధాన్యం. కానీ మనకు లభ్యమయ్యే ప్యాకేజ్డ్‌ ఆహారంలో 90శాతం పాశ్చాత్యుల జీవనశైలికి అనువైనవే. పైగా వీటి నిల్వకు వాడే రసాయనాలు ఆరోగ్యానికి చేటని ఫీల్డ్‌వర్క్‌లో గుర్తించా. ఆసక్తికర విషయమేమిటంటే మన ధాన్యాలను ఎగుమతి చేసుకొని మనకే ఇలా అమ్ముతుండటం! అపోలో ఆస్పత్రిలో ఆంకాలజీ న్యూట్రిషన్‌ విభాగంలో కొన్నాళ్లు పనిచేసినపుడు వీటిపై మరింత స్పష్టత వచ్చింది.

తరువాయి