Published : 15/11/2022 00:47 IST

ఆస్వాదించండి.. చాలు!

అనుభవపాఠం

అయిదేళ్ల వయసులో క్రికెట్‌తో ప్రేమలోపడ్డా. కానీ నాతో ఆడటానికి స్నేహితురాళ్లెవరూ వచ్చే వారు కాదు. నాకన్నా పెద్ద అబ్బాయిలతో ఆడాల్సొచ్చేది. అమ్మా నాన్నల ప్రోత్సాహం ఉండేది కదా! ధైర్యంగా ఆడేదాన్ని. నన్ను జాతీయ జట్టులో చూడాలన్నది వాళ్ల కల. ఎప్పుడూ అదే నా మనసులో మెదిలేది. అందుకే పట్టుదలగా ఆడే దాన్ని. త్వరగానే జాతీయ జట్టులో స్థానం సంపాదించా. ఎప్పుడు మంచి స్కోరు రాకపోయినా నా జీవితంలో ఇదో చెడ్డ రోజు అనుకునే దాన్ని. తర్వాత ఆలోచించా... ‘స్టేడియంలోకి అడుగుపెట్టగలిగా. ఎంతోమంది కలలు కనే భారత జట్టు జెర్సీ ధరించ గలుగుతున్నా. ఎంత అదృష్టవంతురాలిని!’ అనుకోవడం మొదలుపెట్టా. పరుగుల సంగతి పక్కనపెట్టి ఆటను ఆస్వాదించడంపైనే దృష్టి పెడుతున్నా. భయపడకపోవడం అశ్రద్ధ కాదని తెలుసుకున్నాక మెరుగ్గా ఆడగలుగుతున్నా. మీరూ అంతే! ఎంచుకున్న పని, రంగమేదైనా సాధిస్తానా అని కంగారుపడొద్దు. ఆస్వాదిస్తూ వెళ్లండి.. విజయాలు అనుసరిస్తాయి. - స్మృతి మంధాన, క్రికెటర్‌


గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.

మరిన్ని

ఆ ప్రమాదం.. వ్యాపారవేత్తను చేసింది

సినిమా, కాలక్షేపం, స్నేహితులతో ముచ్చట్లు.. సందర్భం ఏదైనా మనకు చిరుతిళ్లు ఉండాల్సిందే! వాటిని నిల్వ ఉంచడానికి వాడే రసాయనాలు, చక్కెరలు, రిఫైన్డ్‌ ఆయిల్స్‌.. అన్నీ అనారోగ్యకరమైనవే! చదువుతున్నప్పుడు కంటే స్వీయ అనుభవంతో ఈ విషయం మరింత అవగాహనకు వచ్చింది అపూర్వ గురురాజ్‌కు. దీంతో ఆరోగ్యకరమైన చిరుతిళ్లను ఉత్పత్తి చేస్తూ.. విదేశాలకూ ఎగుమతి చేసే స్థాయికి ఎదిగారు. ఆమెను వసుంధర పలకరించగా తన గురించి చెప్పుకొచ్చారిలా.. మాది బెంగళూరు. ఆరేళ్లన్నప్పుడు అమ్మను కోల్పోయా. సివిల్‌ ఇంజినీర్‌ అయిన నాన్న వ్యాపారవేత్త కూడా. నాకేమో ఫోరెన్సిక్‌ శాస్త్రవేత్త కావాలని.. నాన్నేమో ఇంజినీరింగ్‌ చేయాలని.. రెండూ కాక కెమిస్ట్రీ, జువాలజీ, న్యూట్రిషన్‌లున్న ట్రిపుల్‌ మేజర్‌ కోర్సును ఎంచుకున్నా. అది చదివేప్పుడే ఎంటీఆర్‌, పెప్సీ సంస్థల్లో ఇంటర్న్‌గా ఉత్పత్తుల్లో పోషకాల ప్రమాణాల గురించి తెలుసుకున్నా. భారతీయ ఆహారశైలిలో పోషకాలకే ప్రాధాన్యం. కానీ మనకు లభ్యమయ్యే ప్యాకేజ్డ్‌ ఆహారంలో 90శాతం పాశ్చాత్యుల జీవనశైలికి అనువైనవే. పైగా వీటి నిల్వకు వాడే రసాయనాలు ఆరోగ్యానికి చేటని ఫీల్డ్‌వర్క్‌లో గుర్తించా. ఆసక్తికర విషయమేమిటంటే మన ధాన్యాలను ఎగుమతి చేసుకొని మనకే ఇలా అమ్ముతుండటం! అపోలో ఆస్పత్రిలో ఆంకాలజీ న్యూట్రిషన్‌ విభాగంలో కొన్నాళ్లు పనిచేసినపుడు వీటిపై మరింత స్పష్టత వచ్చింది.

తరువాయి