అప్పుడు వినాయకుడి గురించి చెబుతా!
కాస్త బొద్దుగా ఉన్నవాళ్లని చూస్తే నోటికొచ్చిన జోకులు వేస్తారు. అది వాళ్లకి తాత్కాలిక ఆనందాన్నివ్వొచ్చు.. మరి ఆ మాట అనిపించుకున్నవాళ్ల సంగతేంటి? వాటికి బాధపడి వెనక్కి తగ్గితే నేనిక్కడ ఉండేదాన్నే కాదు అంటోంది 26 ఏళ్ల సాయి వైష్ణవి.
కాస్త బొద్దుగా ఉన్నవాళ్లని చూస్తే నోటికొచ్చిన జోకులు వేస్తారు. అది వాళ్లకి తాత్కాలిక ఆనందాన్నివ్వొచ్చు.. మరి ఆ మాట అనిపించుకున్నవాళ్ల సంగతేంటి? వాటికి బాధపడి వెనక్కి తగ్గితే నేనిక్కడ ఉండేదాన్నే కాదు అంటోంది 26 ఏళ్ల సాయి వైష్ణవి. గాయనిగా, డబ్బింగ్ ఆర్టిస్ట్గా రాణిస్తున్న ఈ అమ్మాయి ప్రయాణం నవతరానికి స్ఫూర్తిదాయకం..
మూన్ షైన్, రాంబో ది లాస్ట్ బ్లడ్, పైరేట్స్ ఆఫ్ ది కరేబియన్, క్రిస్టఫర్ రాబిన్తోపాటు అనేక హాలీవుడ్ చిత్రాలకు గాత్రదానం చేసింది సాయివైష్ణవి. తెలుగులో క్రిమినల్ జస్టిస్, హక్సే వంటి వెబ్సిరీస్లకూ డబ్బింగ్ చెప్పింది. 2015 నుంచి విజయవాడ ఆల్ఇండియా రేడియో ఎఫ్ఎం రెయిన్బోలో ఆర్జే తను. పాడ్కాస్టింగ్ కూడా చేస్తోంది. సంగీత దర్శకుడు రఘుకుంచె అందించిన అవకాశంతో లేడీస్ అండ్ జెంటిల్మన్ సినిమాతో మొదలుపెట్టి గాయనిగానూ గుర్తింపు తెచ్చుకుంటోంది. అయితే ఈ విజయాలన్నీ ఆమెకంత తేలిగ్గా రాలేదు. లావుగా ఉన్నావ్.. రంగు తక్కువ వంటి విమర్శలని ధైర్యంగా ఎదుర్కొంటే దక్కిన ఫలమిది. ‘మాది విజయవాడలోని సత్యనారాయణపురం. నాన్న మేడేపల్లి వెంకటేశ్వర ప్రసాద్ రామకృష్ణ మిషన్లో అకౌంట్స్ మేనేజర్. అమ్మ గీత. మా కుటుంబానికి తరతరాలుగా సంగీతంతో అనుబంధం ఉంది. అమ్మ తరఫు తాత డాక్టర్ జీవీ భరద్వాజ వీణా విద్వాంసులు. అమ్మమ్మ సుధ ఆల్ ఇండియా రేడియోలో లలిత సంగీతం పాడేవారు. నాన్న ఐదు వాద్యాలు వాయిస్తారు. అలా మూడేళ్ల వయసు నుంచీ డ్యాన్స్తోపాటు పాటలు, సంగీతాన్నే లోకంగా చేసుకున్నా.
ఎన్నెన్నో విజయాలు..
ఏడో తరగతిలో ఉన్నప్పుడు మొదటిసారి జీ తెలుగు సరిగమప లిటిల్ ఛాంప్లో రియాలిటీ షోలో పాల్గొన్నా. ఆ తర్వాత పలు టీవీ ఛానెళ్లలో, సంగీత కార్యక్రమాల్లో అవకాశాలు అందుకొని విజేతగా నిలిచా. వెయ్యికిపైగా బహుమతులు, అవార్డులూ అందుకున్నా. విజయవాడ ఘంటసాల ప్రభుత్వ సంగీత నృత్య కళాశాలలో శాస్త్రీయ సంగీతంలో నాలుగేళ్ల సర్టిఫికెట్ కోర్సు, పొట్టి శ్రీరాములు తెలుగు విశ్వవిద్యాలయంలో రెండేళ్ల డిప్లొమా పూర్తిచేశా. నా గురువులు మందా కృష్ణమోహన్, బుచ్చాచార్యులు.
ప్రతిభను గుర్తించి..
పోటీల్లో ప్రతిభకు పెద్దపీట ఉంటుంది. వేదికపై మనమెంత అందంగా.. చక్కగా కనిపిస్తున్నామనేది ఒక అంశం మాత్రమే. కానీ అదే ప్రధానాంశం కాదు. బరువు, రంగు భిన్నంగా ఉంటే చాలు. వీళ్లిలా ఉన్నారేంటి. వీళ్లు పాడగలరా అన్నట్టు చూస్తారు. నాకూ అదే పరిస్థితి ఎదురైంది. మొదట్లో సన్నగానే ఉన్నా తర్వాత అనారోగ్య కారణాలతో బరువు పెరిగా. దాంతో ‘అందంగా లేదు. అంత లావుందేంటి? రంగు తక్కువంటూ’.. నాపై విమర్శలు. కొత్తలో చాలా బాధపడేదాన్ని. ఆ తర్వాత వీళ్లెవరూ మనల్ని పోషించరు కదా. ఇటువంటివారి కోసం మనం బతకడం లేదు. అలాంటప్పుడు పట్టించుకోవడం ఎందుకు? మంచి గొంతు ఉంది. నన్ను నేను నిరూపించుకొనే అవకాశాన్ని అందుకోవాలి. మన ప్రతిభను గుర్తించేవాళ్లూ ఉన్నారని మరవకూడదనుకున్నా. బాడీ షేమింగ్పై నాతో ఎవరైనా వ్యాఖ్యానిస్తే సకల కళలకీ, విద్య, విజయాలకు అధిపతైన విఘ్నేశ్వరుడిని ఉదాహరణగా చెప్పి, అక్కడి నుంచి నవ్వుకుంటూ వచ్చేస్తా. ప్రస్తుతం ‘ఆహా తెలుగు ఇండియన్ ఐడల్ పోటీల్లో గోల్డెన్ టికెట్ తీసుకుని థియేటర్ రౌండ్కెళ్లాం. ‘డబ్బింగ్లో డీజే.. చాటింగ్లో ఆర్జే.. వైష్ణవీ ఓ వైష్ణవీ నువ్వు నడిచివచ్చే కాన్ఫిడెన్స్వి’ అంటూ బాలకృష్ణగారు పొగిడిన సందర్భం నేనెప్పుడూ మరిచిపోలేను’ అంటోంది సాయి వైష్ణవి.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
- అందానికి చింతపండు..!
- నిర్మలమ్మ ‘బడ్జెట్’ శారీస్.. చీరచీరకో ప్రత్యేకత!
- చినుకుల్లో కురులు జాగ్రత్త!
ఆరోగ్యమస్తు
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
- ‘అమ్మా’ అనే పిలుపు వినాలని!
- మీ మౌత్వాష్ ఎలాంటిది?
- చాందీపుర వైరస్.. పిల్లల విషయంలో ఈ జాగ్రత్తలు తప్పనిసరి!
అనుబంధం
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
- Sushmita Sen: లైంగిక అంశాల గురించి నా పిల్లలతో అలా చర్చిస్తా!
యూత్ కార్నర్
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
- రెండేళ్ల కష్టం... రూ.54 లక్షల ఉద్యోగం!
- మలార్ వాట్సాప్... టీచర్!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!
- ఆఫీసులో ఒత్తిడి తగ్గుతుందిలా..