అవును.. వీరంతా ‘మిసెస్ అండ్ మిసెస్’!
ప్రేమ.. ఇది ఎప్పుడు, ఎక్కడ, ఎవరి మీద పుడుతుందో చెప్పలేం అంటుంటారు ప్రేమ కవులు. అయితే ప్రేమ అనగానే ఒక అబ్బాయికి-అమ్మాయికి మధ్య పుట్టే తియ్యటి భావనేనా? ఒక అమ్మాయికి మరో అమ్మాయిపై, లేదంటే ఒక అబ్బాయికి మరో అబ్బాయిపై ప్రేమ పుట్టకూడదా?....
(Photos: Instagram)
ప్రేమ.. ఇది ఎప్పుడు, ఎక్కడ, ఎవరి మీద పుడుతుందో చెప్పలేం అంటుంటారు ప్రేమ కవులు. అయితే ప్రేమ అనగానే ఒక అబ్బాయికి-అమ్మాయికి మధ్య పుట్టే తియ్యటి భావనేనా? ఒక అమ్మాయికి మరో అమ్మాయిపై, లేదంటే ఒక అబ్బాయికి మరో అబ్బాయిపై ప్రేమ పుట్టకూడదా? అంటే ఎందుకు పుట్టకూడదు.. అంటూ తమ ప్రేమనే ఉదాహరణగా చూపిస్తున్నారు తాజాగా వైవాహిక బంధంలోకి అడుగుపెట్టిన మహిళా క్రికెటర్లు కేథరిన్ బ్రంట్, నటాలియా సీవర్. ఇంగ్లండ్ జట్టులో కీలక సభ్యులైన వీరిద్దరూ రెండేళ్ల క్రితం నిశ్చితార్థం చేసుకున్నారు. కరోనా కారణంగా పెళ్లి వాయిదా పడుతూ రావడంతో ఎట్టకేలకు ఇప్పుడు ఒక్కటయ్యారు. వీరే కాదు.. ఇలా స్వలింగ వివాహాలు చేసుకున్న సెలబ్రిటీలు ప్రపంచవ్యాప్తంగా మరికొందరున్నారు. వారి గురించి తెలుసుకుందాం రండి..
ప్రపంచవ్యాప్తంగా స్వలింగ వివాహాల్ని చట్టబద్ధం చేసిన దేశాల్లో ఇంగ్లండ్ (UK) కూడా ఒకటి. ఈ క్రమంలో తమ ప్రేమను అక్కడితో ఆపకుండా పెళ్లితో శాశ్వతం చేసుకున్నారు ఇంగ్లండ్ మహిళా క్రికెటర్లు కేథరిన్ బ్రంట్, నటాలియా సీవర్. గత కొన్నేళ్లుగా ప్రేమలో ఉన్న వీరు.. 2019లో నిశ్చితార్థం చేసుకున్నారు. ఆ మరుసటి ఏడాదే వీళ్ల పెళ్లికి ముహూర్తం పెట్టుకున్నా.. కరోనా కారణంగా అది వాయిదా పడుతూ వచ్చింది. దీంతో ఇటీవలే పెళ్లిపీటలెక్కారీ క్యూట్ కపుల్.
ఐదేళ్లుగా రిలేషన్షిప్లో..!
ప్రతి ప్రేమకూ ఓ స్టార్టింగ్ పాయింట్ ఉంటుంది. అలా మైదానంలోనే తమ ప్రేమ మొదలైందంటున్నారు బ్రంట్-సీవర్. ‘ఆటలో భాగంగానే మేమిద్దరం తొలిసారి కలుసుకున్నాం. తక్కువ కాలంలోనే మా మధ్య ఒకరిని విడిచి మరొకరు ఉండలేనంత సాన్నిహిత్యం పెరిగింది. దాంతో గత ఐదేళ్లుగా ఒకే ఫ్లాట్లో కలిసి ఉంటున్నాం. మ్యాచ్లకే కాదు.. ఎక్కడికెళ్లినా కలిసే వెళ్తుంటాం.. ఇంట్లో ఉన్నా ఒకరికి నచ్చిన వంటకాలు మరొకరం తయారుచేసి సర్ప్రైజ్ చేసుకుంటాం. అయితే మా బంధాన్ని మా ఇరు కుటుంబాలు వ్యతిరేకించాయి. అయినా వాళ్లను ఒప్పించే పెళ్లి చేసుకుందామనుకున్నాం.. కానీ అది కుదరక ఇంటి నుంచి బయటికొచ్చేశాం.. ఈ క్రమంలో జట్టు మాకు ఎంతో అండగా నిలిచింది..’ అంటూ తమ ప్రేమ జ్ఞాపకాల్ని గుర్తు చేసుకుంటోందీ కొత్త జంట. 2017 వన్డే ప్రపంచకప్ గెలిచిన కొన్నాళ్లకు ప్రారంభమైన వీరి స్నేహం, ప్రేమ.. దాదాపు ఐదేళ్ల తర్వాత పెళ్లితో శాశ్వతమైంది. ఇక ఈ ఏడాది జరిగిన టీ20 ప్రపంచకప్లోనూ జట్టు తరఫున ఆడిందీ లెస్బియన్ జంట.
అండగా ఉండి.. అర్థాంగి అయింది..
న్యూజిలాండ్ క్రికెటర్ హేలే జెన్సన్, ఆస్ట్రేలియాకు చెందిన నికోలా హాన్కాక్లూ 2019లో లెస్బియన్ వివాహం చేసుకున్నారు. ఆస్ట్రేలియాలో ఏటా జరిగే మహిళల బిగ్బాష్ లీగ్ తొలి రెండు విడతల్లో 'మెల్బోర్న్ స్టార్స్' జట్టు తరఫున ఆడిన వీరి మధ్య క్రమంగా ప్రేమ చిగురించింది. పెళ్లి చేసుకోవాలని నిర్ణయించుకున్నారు. 2013లో న్యూజిలాండ్లో, 2018లో ఆస్ట్రేలియాలో లెస్బియన్ వెడ్డింగ్స్కి లైన్ క్లియర్ కావడంతో వీరు తమ ప్రేమను పెళ్లి పట్టాలెక్కించారు. వీరిద్దరూ గత కొన్నేళ్లుగా ప్రేమలో ఉన్నప్పటికీ తమ ప్రేమను ఎక్కడా బహిర్గతం చేయలేదు. ఓ ఇంటర్వ్యూలో భాగంగా జెన్సన్ మాట్లాడుతూ.. 'నేను గాయంతో బాధపడుతూ, జట్టులో చోటు కోల్పోయినప్పుడు హాన్కాక్ నాకు ఎంతగానో సహాయపడింది.. అలాంటి ప్రతికూల పరిస్థితిలో తనే నాకు అండగా నిలిచింది..' అంటూ అర్ధాంగిని ఆకాశానికెత్తేసింది జెన్సన్.
అలా కళ్లూ కళ్లూ కలిశాయి...
మేగన్ స్కట్, జెస్ హోలియోకే.. వీరిద్దరూ ఆస్ట్రేలియాకు చెందిన మేటి క్రికెటర్లు. చాలాకాలం నుంచి ఒకే జట్టులో ఆడుతోన్న వీరి కళ్లూ-కళ్లూ కలిశాయి. సుదీర్ఘకాలంగా తమ ప్రేమాయణాన్ని కొనసాగించిన ఈ జంట.. 2018లో ఆస్ట్రేలియా ప్రభుత్వం స్వలింగ వివాహాల్ని చట్టబద్ధం చేయడంతో 2019లో వైవాహిక బంధంలోకి అడుగుపెట్టారు. అంతేకాదు.. తమ పెళ్లి ఫొటోల్ని సైతం నిర్మొహమాటంగా, ధైర్యంగా సోషల్ మీడియాలో పంచుకుందీ జంట. ఇలా బయటే కాదు.. డ్రస్సింగ్ రూమ్లో, జట్టులో వీరిద్దరినీ ఒక్కరిగానే భావిస్తారట సహచరులు. ప్రస్తుతం ఈ జంటకు రైలీ లూయీస్ స్కట్ అనే పాప ఉంది.
మనసంతా నువ్వే!
దక్షిణాఫ్రికా మహిళల జట్టు సారథి, ఆల్ రౌండర్ డేన్ వాన్ నీకెర్క్ పేరు అందరికీ సుపరిచితమే. అదే జట్టులో మేటి క్రీడాకారిణిగా, ఆల్రౌండర్గా పేరు తెచ్చుకుంది మారిజానే కాప్. 2009 ప్రపంచకప్లో జాతీయ జట్టులో అరంగేట్రం చేసిన నాటి నుంచే కేవలం రెండు రోజుల వ్యవధిలో వీరి మధ్య ప్రేమ చిగురించింది. అభిప్రాయాలు పంచుకోవడం, అర్థం చేసుకోవడంతో ఇద్దరూ మరింత దగ్గరయ్యారు. ఈ క్రమంలో ఒకరినొకరు విడిచి ఉండలేనంతగా వీరి బంధం అల్లుకుంది. ఇక వారి ప్రణయానికి పెళ్లే పరిష్కారం అని భావించారు. అనుకున్నదే తడవుగా 2018లో పెళ్లితో ఒక్కటైందీ ముద్దుల జంట. ఆ తర్వాత ఇద్దరూ కలిసి టీ20 ప్రపంచకప్లో పాల్గొని.. అంతర్జాతీయ టోర్నీలో ఒకేసారి బ్యాటింగ్కు దిగిన తొలి జంటగా రికార్డులకెక్కారీ లెస్బియన్ కపుల్. అనుక్షణం ప్రేమను పంచుకునే ఈ జంట సందర్భం వచ్చినప్పుడల్లా ఒకరినొకరు ప్రశంసించుకుంటూ తమ మనసు లోతుల్లో దాగున్న ప్రేమను వ్యక్తం చేస్తుంటారు.
ఆట-స్నేహం-ప్రేమ-పెళ్లి
న్యూజిలాండ్కు చెందిన అమీ ఎల్లా శాటర్వెర్త్, లియా మేరీ మౌరీన్ తుహుహు.. వీరిద్దరూ పేరొందిన మహిళా క్రికెటర్లే. 2010లో మైదానంలోనే వీరి మధ్య స్నేహం ఏర్పడింది.. క్రమంగా ఒకరినొకరు అర్థం చేసుకున్నారు.. ప్రేమించుకున్నారు. అలా ఏడేళ్ల పాటు ప్రేమలో మునిగితేలిన ఈ జంట.. 2017లో పెళ్లి పీటలెక్కారు. తమలా స్వలింగ వివాహాలు చేసుకోవాలనుకుంటున్న వారికి సహాయపడేందుకు తమ పెళ్లిని అవకాశంగా ఎంచుకున్నామని, తాము ఇలా చేస్తున్నందుకు ఎంతో గర్విస్తున్నామంటూ అప్పట్లో చెప్పుకొచ్చారీ దంపతులు. అంతేకాదు.. తమ బంధం గురించి ప్రపంచానికి చాటేందుకు ఎప్పుడూ ఇబ్బంది పడలేదంటున్నారీ కివీస్ కపుల్. వీరిలో అమీ కంటే మేరీ నాలుగేళ్లు చిన్నది. ఇక ఈ జంట 2020లో పండంటి పాపకు జన్మనిచ్చింది.
చెరిగిపోని ప్రేమ!
అమెరికన్ కమెడియన్గా, టీవీ వ్యాఖ్యాతగా పేరు పొందారు ఎలెన్ డీజెనెరెస్. అమెరికన్ సిట్కాం 'ఎలెన్ డీజెనెరెస్ షో' ద్వారా ప్రపంచవ్యాప్త గుర్తింపు సంపాదించిన ఎలెన్.. అమెరికన్-ఆస్ట్రేలియన్ మోడల్ అయిన పోర్షియా డే రోసీతో ప్రేమలో పడ్డారు. నాలుగేళ్ల డేటింగ్ అనంతరం 2008లో లాస్ ఏంజెల్స్లో వివాహం చేసుకుందీ జంట. ఆ తర్వాత ఓసారి ఆస్ట్రేలియాలోని పోర్షియా నివాసానికి వెళ్లిన ఎలెన్.. 'ఆస్ట్రేలియా ప్రజలు ఎంతో అద్భుతమైన వ్యక్తులని విన్నా.. కానీ ఇప్పుడు ప్రత్యక్షంగా చూశా. ఆస్ట్రేలియా అమ్మాయిని పెళ్లి చేసుకున్నందుకు చాలా హ్యాపీగా ఉంది.. థ్యాంక్యూ ఆస్ట్రేలియా..' అంటూ తన ఆనందాన్ని ట్వీట్ రూపంలో పంచుకున్నారామె. అయితే అప్పుడప్పుడూ వీరిద్దరూ విడాకులు తీసుకుంటున్నట్లు వార్తలొస్తున్నా.. అవి అవాస్తవమని వారు కొట్టిపడేస్తూ తమ ప్రేమ ఎప్పటికీ చెరిగిపోదని చాటుకుంటున్నారీ లవ్లీ కపుల్.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పొడవైన శిరోజాలతో... గిన్నిస్బుక్లో..!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- ఈ ఆహారంతో జుట్టు ఆరోగ్యంగా..!
- మెడ చుట్టూ నల్లగా అవుతోందా?
- గోళ్లు విరుగుతున్నాయా?
ఆరోగ్యమస్తు
- మెనోపాజా... వ్యాయామం చేయండి!
- ఎండకో గొడుగు..!
- చనుబాలు ఎక్కువగా వస్తున్నాయి.. తగ్గేదెలా?
- హార్మోన్లు సమతులంగా ఉండాలంటే..!
- ఎలక్ట్రోలైట్స్... తాగుతున్నారా?
అనుబంధం
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
- దాంపత్య బంధానికీ.. ఇవ్వాలి కాస్త విశ్రాంతి!
- బాస్ వివాహేతర సంబంధం.. అతడితో చెప్పాలా? వద్దా?
- నైపుణ్యాలకు సానపెట్టండిలా..
యూత్ కార్నర్
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
- ప్రాణం కోసం... ‘సూర్య నాయక్’
- Janhvi Kapoor : నచ్చిందే పదే పదే తింటుంటా!
'స్వీట్' హోం
- రాత్రివేళకి... సుగంధాల రాణి!
- ఈ డ్రింక్తో వేసవి వేడిని తరిమేయండి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
- ప్రకృతికి కోపం తెప్పిస్తున్నారా?
వర్క్ & లైఫ్
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!
- నేను బాగా పనిచేయడం లేదు!