బయటికి చెప్పరు.. కానీ దీని గురించే గొడవపడతారట!
ఈ రోజుల్లో పెళ్త్లె ఎన్నో ఏళ్లు గడిచిన చాలామంది దంపతులు ఉన్నట్టుండి విడిపోవడం చూస్తూనే ఉన్నాం. ఇక పెళ్లి కాని ప్రేమికుల సంగతి చెప్పక్కర్లేదు. చాలామంది ప్రేమికులకి బ్రేకప్ అనేది సాధారణమైపోయింది. అయితే వీరంతా విడిపోవడానికి కారణం....
ఈ రోజుల్లో పెళ్త్లె ఎన్నో ఏళ్లు గడిచిన చాలామంది దంపతులు ఉన్నట్టుండి విడిపోవడం చూస్తూనే ఉన్నాం. ఇక పెళ్లి కాని ప్రేమికుల సంగతి చెప్పక్కర్లేదు. చాలామంది ప్రేమికులకి బ్రేకప్ అనేది సాధారణమైపోయింది. అయితే వీరంతా విడిపోవడానికి కారణం ఏంటో తెలుసా ? ఆ.. ఏముంది.. పెళ్త్లెన దంపతులైతే భర్త వేధింపులో, అత్తమామల సాధింపులో అయ్యుంటాయి.. ప్రేమికులైతే అభిప్రాయభేదాలు వచ్చుంటాయిలే.. అనుకుంటున్నారా ? మీ ఆలోచన కొంతవరకు కరక్టే అయినా వీటన్నిటికీ మించి ఓ బలమైన కారణమే ఉందట.. అదేంటో మీరే చదవండి!
పెళ్లికి ముందు ప్రతిమ సాఫ్ట్వేర్ ఉద్యోగం చేసేది. పెళ్లి తర్వాత కూడా ఎట్టి పరిస్థితుల్లోనూ ఉద్యోగం కంటిన్యూ చేయాలనుకున్నా, ఇటీవల బాబు పుట్టడంతో వాడి ఆలనాపాలనా కష్టమైంది. దాంతో కొద్ది రోజులు బ్రేక్ తీసుకోవాలనుకుంది. దీంతో ప్రవీణ్ ప్రతిమతో మునుపటిలా ఉండడం మానేశాడు. అంతేకాదు.. ఇంటికి సంబంధించి సేవింగ్స్ విషయాల ప్రస్తావన వచ్చినప్పుడు తన మీద కసురుకుంటున్నాడు. మొదట్లో తమ దాంపత్య జీవితం బాగానే ఉన్నప్పటికీ ప్రస్తుతం డబ్బు తమ మధ్య అగాధం సృష్టిస్తోందని చెబుతోంది ప్రతిమ. అందుకే మళ్లీ ఉద్యోగానికి వెళ్తానంటోంది.
అందరికీ అదే అతి పెద్ద సమస్య!
వీళ్లిద్దరే కాదు.. దంపతుల మధ్య, ప్రేమికుల మధ్య చిన్న స్పర్థని కూడా పెద్ద అగాధంలా మార్చేది డబ్బే! అవును.. చాలామంది భావించినట్లు చాలా సమస్యలకి డబ్బే పరిష్కారం కావచ్చు కానీ దాంపత్య బంధానికి మాత్రం మొదటి శత్రువు డబ్బేనట. వివిధ అధ్యయనాలు కూడా ఇదే విషయం చెబుతున్నాయి. చాలామంది దంపతులు తమ మధ్య డబ్బు ప్రస్తావన రాగానే జీవిత భాగస్వామిపై చిరాకు పడతారట. ఒకవేళ డబ్బు విషయంలో జీవిత భాగస్వామి ఎంత అనుకూలంగా ఉన్నప్పటికీ ఒకరిపై ఒకరు కచ్చితంగా అభద్రతాభావంతోనే ఉంటారట.
కూర్చుని మాట్లాడుకోండి !
అయితే ఆర్థిక రంగ నిపుణులైనా, మానసిక నిపుణులైనా ఈ సమస్యకి పరిష్కారం చూపడానికి ఇచ్చే సలహా ఒక్కటే! అదే కూర్చుని మాట్లాడుకోవడం. ఉదాహరణకి ఒక వ్యక్తి వ్యాపారంలో వచ్చే నష్టాల గురించి తన భార్యతో చర్చించేవాడు కాదట. చిన్న నష్టాలే కదా రేపో మాపో కవర్ చేయొచ్చులే అనుకున్నాడట. తర్వాత చిన్న చిన్న నష్టాలన్నీ కలిసి వ్యాపారం దివాళా తీసే స్థాయికి చేరుకున్నాడు. ఈ విషయం తెలుసుకున్న భార్య షాకైంది. మొదట్నుంచీ ఓ ప్రణాళికంటూ లేకపోవడంతో అస్తవ్యస్తంగా తయారైంది వారి ఆర్థిక పరిస్థితి. ఆ తర్వాత భార్యే చొరవ తీసుకుని, తన తెలివి తేటలతో పరిస్థితిని చక్కదిద్దడానికి ప్రయత్నించింది.
ఈ క్రమంలో- డబ్బు గురించి దంపతుల మధ్య ఏదైనా సమస్య వస్తే.. దానిని ఇద్దరూ కలిసి ఏవిధంగా అధిగమించవచ్చో ప్రణాళికలు వేసుకోవాలని నిపుణులు సూచిస్తున్నారు. ఇంటికయ్యే ఖర్చు ఎక్కడ పెరుగుతోంది, ఎక్కడ తగ్గించాలి ? వచ్చే రాబడిని దీర్ఘకాలిక, స్వల్పకాలిక లక్ష్యాల కోసం ఎలా పొదుపు చేయాలి ? అనే విషయాలు తెలియాలంటే.. ఇద్దరూ కూర్చుని సానుకూలంగా మాట్లాడుకుంటే తప్ప ఏ సమస్యైనా పరిష్కారం కాదని నిపుణులు అంటున్నారు. అందుకు ఇలా చేయమని సలహా ఇస్తున్నారు.
ఇలా చేయండి..
⚛ ముందు ఆర్థికంగా మీ గోల్స్ ఏంటో రాసిపెట్టుకోండి. తర్వాత వాటి గురించి మీ జీవిత భాగస్వామితో (లేదా కాబోయే వారితో) మాట్లాడండి.
⚛ ఆ సమయంలో ఇద్దరికీ ఉన్న అప్పులు, ఆస్తుల గురించి ఎలాంటి సంకోచాలూ లేకుండా మాట్లాడుకోండి. అలాగే బ్యాంక్ ఖాతాలోని డబ్బు గురించి తెలపండి. అవసరమైతే ఇద్దరి పేరున జాయింట్ అకౌంట్ తెరవండి. దాని ద్వారానే ఎటువంటి లావాదేవీలైనా చేయండి.
⚛ అత్యవసరం కోసం 'ఎమర్జన్సీ ఫండ్' కింద కొంత డబ్బుని ఎప్పుడూ పక్కన పెట్టి ఉంచాలి. అత్యవసర పరిస్థితుల్లో మాత్రమే దానిని వినియోగించాలి.
⚛ నెల నెలా ఆదాయ వ్యయాలతో ఒక బడ్జెట్ తయారు చేయండి. దాని ప్రకారం వారంలో ఒక సమయం పెట్టుకుని బేరీజు వేసుకోండి. ఈ సమయంలో అప్పుల గురించి దాచకండి. అలాగే పొదుపు, పెట్టుబడుల గురించి అవసరమైతే నిపుణుల సలహా తీసుకోండి.
⚛ అన్నిటికన్నా ముఖ్యమైంది... సంయమనంతో ఉండడం! ఆర్థిక ప్రణాళికలో అప్పుడప్పుడూ అనుకున్నదానికి కొంత అటు, ఇటు అవ్వడం సహజం. మీరు కంగారు పడి, మీ భాగస్వామిని కంగారు పెట్టకుండా సామరస్యంగా పరిష్కారం కోసం ఆలోచించండి.
సొంత కారులో సుదీర్ఘ ప్రయాణం చేస్తున్నప్పుడు ఇద్దరూ కలిసి డ్రైవింగ్ని పంచుకుంటే ఎంత సులువుగా ఉంటుంది చెప్పండి! ఆర్థిక ప్రయాణం కూడా అలాంటిదే అంటున్నారు నిపుణులు. దంపతులిద్దరూ ఒక ప్రణాళిక వేసుకుని ఒక సంవత్సరం తర్వాత ఏం చేయాలి.. అయిదు సంవత్సరాల తర్వాత తమ ఆర్థిక స్థితి ఎలా ఉండాలి వంటి వాటి గురించి చర్చించుకుంటే ఇద్దరికీ ఇంటి ఆర్థిక స్థితిపై అవగాహన ఉంటుంది. అంతేకాదు.. దీనివల్ల ఇద్దరి మధ్య ఎటువంటి దాపరికాలు ఉండవు కాబట్టి ఒకరిపై ఒకరికి నమ్మకం పెరుగుతుందంటున్నారు నిపుణులు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- పాదాలు పదిలంగా
- స్లిట్... మరింత స్టైల్గా!
- చల్లటి పాలతో..!
- Makeup: ఈ పొరపాట్లు వద్దు!
- మ్యాచింగ్ పోట్లీ మస్తుంది!
ఆరోగ్యమస్తు
- కోపాన్ని తగ్గించే శశాంకాసనం!
- పోషకాల ‘పుట్ట’... ఆరోగ్యానికి ‘గొడుగు’
- అలసట లేకుండా పని చేయాలంటే..!
- ఎత్తును బట్టే..!
- Nayanthara : నచ్చిందే తింటా.. నోరు కట్టేసుకోను!
అనుబంధం
- మీరైతే ఏం చేస్తారు?
- కొలీగ్తో రెండో పెళ్లి.. పేరెంట్స్ వద్దంటున్నారు!
- ‘777’ నియమంతో... బంధం బలోపేతం!
- పిల్లలకు ఎలాంటి పుస్తకం కొంటున్నారు..?
- వాళ్ల ప్రేమ నిజమా? నకిలీనా?
యూత్ కార్నర్
- ఒలింపిక్స్ బరిలో... బిహార్ ఎమ్మెల్యే!
- Paris Olympics: అందుకే ఈసారి వీళ్లు ప్రత్యేకం!
- పాపులారిటీ కోసం ప్రాణాలెందుకు రిస్క్లో పెడతారు?!
- తెలుగమ్మాయి... బ్రిటన్లో మెరిసింది!
- వాళ్లున్నప్పుడు మారిపోతాడు!
'స్వీట్' హోం
- వర్షాలకు మొక్కలు పాడవకుండా..!
- మొక్కలకు కాఫీ పొడి వేస్తున్నారా?
- తగిలిస్తే... పిల్లి వచ్చే!
- నూరు వరహాలతో నిండుగా
- వ్యాపారమా... ఉద్యోగమా?
వర్క్ & లైఫ్
- కత్రినా ‘స్లిమ్’ బాడీ.. ఆ సీక్రెట్స్ ఇవే!
- Flower Truck Business: అందమైన పూల బొకేలతో.. లక్షలు సంపాదిస్తూ..!
- బరువెక్కుతున్న తెలుగు రాష్ట్రాలు!
- ఈ అలవాట్లే మనల్ని ధనవంతుల్ని చేస్తాయట!
- కేర్ టేకర్లు... కోట్లలో కావలెను!