జ్ఞాపకానికి అందమైన రూపం!
మనసు దోచిన వారందించే ప్రేమ కానుకలు.. మూడు ముళ్లు.. ఏడడుగులకు సాక్షిగా నిలిచే పూమాలలు... ఈమె చేతిలో అపురూపమైన జ్ఞాపకాలుగా మారతాయి.
మనసు దోచిన వారందించే ప్రేమ కానుకలు.. మూడు ముళ్లు.. ఏడడుగులకు సాక్షిగా నిలిచే పూమాలలు... ఈమె చేతిలో అపురూపమైన జ్ఞాపకాలుగా మారతాయి. జీవితంలోని తీపి ఘడియలను శాశ్వతం చేసి భద్రపరచి ఇస్తున్నారు హైదరాబాద్కు చెందిన 28 ఏళ్ల షెల్లీ.
నా హృదయాన్ని గెలిచినవారందించిన ఈ గులాబీ నాతోపాటే శాశ్వతంగా ఉండేలా చేయమంటారు కొందరు. ఆ గులాబీని పెండెంట్గా మార్చి ఇచ్చినప్పుడు వారి కళ్లలో కనిపించే ఆనందానికి మరేదీ సాటిరాదు. కొందరు తల్లులు తమ బుజ్జాయితో అనుబంధంగా ఉన్న బొడ్డుతాడుని ప్రసవం తర్వాత జీవితాంతం తమవద్ద ఉండాలంటారు. అందమైన జ్ఞాపికగా మార్చి ఇచ్చినప్పుడు ప్రపంచంలోని సంతోషమంతా వారి ముఖంలో కనిపిస్తుంది.
సృజనాత్మకంగా..
రెజిన్ ఆర్ట్ ద్వారా ఇవి సాధిస్తున్నా. దీనిలోకి అడుగుపెడతానని కలలో కూడా అనుకోలేదు. పుట్టింది వైజాగ్. నాన్న త్రిమూర్తి కేంద్ర ప్రభుత్వోద్యోగి. అమ్మ గృహిణి. నా చదువంతా అక్కడే పూర్తయ్యింది. సీఏ ఇంటర్ చేసి హైదరాబాద్లో ఓ ఎంఎన్సీలో చేరా. అమెజాన్కి మారి, అమెరికా క్లైంట్స్కు ఛార్ట్ సపోర్ట్ చేసేదాన్ని. ఆ తర్వాత బైజూస్ నుంచి ఆఫర్ వస్తే, శిక్షణలో చేరే సమయానికి మనసుకు నచ్చింది చేయాలి. నాకంటూ ఒక బ్రాండ్ను రూపొందించాలి అనిపించింది. అప్పుడే సృజనాత్మకంగా, మరొకరి జ్ఞాపకాన్ని మనం భద్రపరిచి అందించగలిగే రెజిన్ ఆర్ట్ గురించి తెలిసింది. ఓ అనుభూతిని జ్ఞాపకంగా మార్చి ఇచ్చే ఈ కళ కొత్తగా తోచింది. ఆన్లైన్లో ఓ విదేశీయురాలి వద్ద ఆరు నెలలు శిక్షణ తీసుకొని సాధన చేసి, 2021లో ‘రెజిన్ ఆర్ట్ బై షెల్లీ’ ప్రారంభించా. ఇప్పటివరకు వేలమందికి కానుకలు చేసిచ్చా. ఇంట్లోనే స్టూడియో ప్రారంభించి, ఆన్లైన్ మార్కెటింగ్ మొదలుపెట్టా. ఏడాదిలోపే వినియోగదారుల సంఖ్య వేలకు పెరిగింది. చాలామంది తమ మనసుకు నచ్చినవారి నుంచి కానుకగా వచ్చిన పూల బొకే, గులాబీలనిచ్చి పెండెంట్, బ్రాస్లెట్, లోలాకులు అంటూ వారికి నచ్చినట్లు చేసిమ్మని అడుగుతారు.పెళ్లిళ్లలో వధూవరులు మార్చుకొనే మాలలను కూడా ఫ్రేమ్స్, వాల్క్లాక్, ఆల్బమ్స్, కాఫీ టేబుల్లా వారు కోరుకున్నట్లు చేసిస్తా. తాజాదనం దూరం కాకుండా పూలను డ్రై చేయడం, వాటిని జ్ఞాపికగా చేయడం కష్టమైనదే. చిన్న పెండెంట్ చేయడానికి రెండువారాలు పడుతుంది. కాఫీ టేబుల్ వంటివాటికి కనీసం నెలరోజులకుపైగా కావాలి. ప్రేమికులదినోత్సవం వంటి ప్రత్యేక రోజుల్లో వినియోగదారుల సంఖ్య ఎక్కువ ఉంటుంది. రోజుకి 12 గంటలకుపైగా పనిచేస్తా. చెప్పిన సమయానికి ఆర్డరు అందించడానికి కృషి చేస్తా. రోజుకి 15 నుంచి 20 వరకు ఆర్డర్లు వస్తుంటాయి. ఒత్తిడి ఉన్నా..అవతలివారి సంతోషాన్ని చూసి నా అలసట మర్చిపోతా. రాశీఖన్నా కానుకగా ఇచ్చిన గులాబీలను ఆ వీరాభిమాని నావద్దకు తీసుకొచ్చి జ్ఞాపికగా మార్చుకున్నారు. అలాగే దిల్లీకి చెందిన ప్రముఖ మేకప్ ఆర్టిస్ట్ అంకుశ్ బహుగుణ నుంచి ప్రశంసలు అందుకోవడం మరవలేను. మూన్ డస్ట్తో ఒకరికి ప్రపోజ్ రింగ్ చేసిచ్చా. ఇవన్నీ మనసుకెంతో ఆనందాన్నిస్తాయి. అలాగే భవిష్యత్తులో మరికొందరికి ఉపాధి కల్పించడానికి ప్రయత్నిస్తున్నా.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
బ్యూటీ & ఫ్యాషన్
- ధవళవర్ణంలో దేవకన్యలా..!
- Asoka Makeup Trend: అప్పటి కరీనా లుక్ని ఇలా రీక్రియేట్ చేస్తున్నారు!
- తారలు మెచ్చిన ‘ఫుల్కారీ’ ఫ్యాషన్.. ఈ స్టైలిష్ ట్రెండ్ గురించి తెలుసా?
- పొడవైన శిరోజాలతో... గిన్నిస్బుక్లో..!
- ఈ ఆహారంతో జుట్టు ఆరోగ్యంగా..!
ఆరోగ్యమస్తు
- వీటితో.. కడుపు చల్లగా.. ఆరోగ్యంగా..!
- చనుబాలు ఎక్కువగా వస్తున్నాయి.. తగ్గేదెలా?
- మెనోపాజా... వ్యాయామం చేయండి!
- ఎండకో గొడుగు..!
- హార్మోన్లు సమతులంగా ఉండాలంటే..!
అనుబంధం
- ప్రయోగాలతో నేర్పిద్దామా?
- పెంపకంబట్టి ఎదుగుతారు.!
- నాన్నంటే భయపడుతున్నారు..!
- బద్ధకపు భర్తతో వేగలేకపోతున్నారా?
- లవ్ మ్యారేజ్.. అయినా సంప్రదాయాల పేరిట టార్చర్ చేస్తున్నాడు..!
యూత్ కార్నర్
- టీనాతో ఇంటర్వ్యూకి సిద్ధమా?!
- రాయల్ సొసైటీలో మన స్వెత్లానా!
- వేసవి కథ!
- 29 బాటిళ్లతో ఒక స్విమ్సూట్.. విదేశాల్లోనూ పాపులర్!
- Prachi Nigam: స్టేట్ ఫస్ట్.. అయినా బాడీ షేమింగ్ తప్పలేదు!
'స్వీట్' హోం
- ఫర్నిచర్పై మరకలు పోవాలంటే..!
- ఈ డ్రింక్తో వేసవి వేడిని తరిమేయండి!
- రాత్రివేళకి... సుగంధాల రాణి!
- చెత్తబుట్ట నుంచి దుర్వాసన రాకుండా..!
- తేలిగ్గా వండేద్దాం..!
వర్క్ & లైఫ్
- పట్టు చిక్కాలంటే... ప్రణాళిక ఉండాలి...
- గర్ల్ గ్యాంగ్తో వెకేషనా? అందాల ‘బాలి’ వెళ్లాల్సిందే!
- రంగులు తెలిసేలా!
- విజయానికి అందం అడ్డయ్యింది!
- భరణం ఇవ్వాల్సొస్తుందని ఉద్యోగం మానేశాడు!