రఫాను ఆక్రమిస్తాం: నెతన్యాహు

జెరూసలెం: దక్షిణ గాజా నగరమైన రఫాను ఆక్రమిస్తామన్న ప్రతినను ఇజ్రాయెల్‌ ప్రధానమంత్రి బెంజమిన్‌ నెతన్యాహు పునరుద్ఘాటించారు. దానిపై దండెత్తేందుకు ఒక తేదీ ఉందని వ్యాఖ్యానించారు. ఈ మేరకు ఆయన ఓ వీడియో ప్రకటనను విడుదల చేశారు. హమాస్‌లకు చివరి బలమైన స్థావరంగా ఉన్న రఫాకు క్షేత్రస్థాయి బలగాలను పంపిస్తామని నెతన్యాహు గతంలోనూ పలుమార్లు చెప్పారు. అయితే అమెరికా సహా అంతర్జాతీయ సమాజం ఆయన మాటలను తీవ్రంగా వ్యతిరేకిస్తోంది. రఫాకు బలగాలను పంపిస్తే.. అక్కడ ఆశ్రయం పొందుతున్న సుమారు 14 లక్షల మంది పౌరుల జీవితాలు ప్రమాదంలో పడతాయంటూ ఆందోళన వ్యక్తం చేస్తోంది.