అరబ్‌ దేశాల్లో ఆదాయంపన్ను లేదట సార్‌, ఆస్ట్రియాలో ధరలు పెరగవట, చైనాలో పీఎఫ్‌ కోత ఉండదట...
latestnews
తను నచ్చునంట..నిను మెచ్చునంట!
ప్రేమికుల రోజు... ప్రత్యేకంగా... గుర్తుండేలా...
కానుకల్ని అంకితమవ్వడానికి యువత సిద్ధం
ఈనాడు, హైదరాబాద్‌
‘ప్రేమ’ అనే భావనే అద్భుతం... ఓ మధురానుభూతి... వ్యక్త పరిచే సందర్భంలో ఎన్ని మాటలైనా చాలవు. అందుకేనేమో మాటలకు బహుమతుల్ని జత చేసి తమలో దాగున్న ప్రేమను తెలుపుకొంటారు ప్రేమికులు. ముఖ్యంగా ఫిబ్రవరి 14న ప్రేమికులు వారి మనసు దోచిన వారికి అందమైన కానుకుల్ని అంకితమవ్వడానికి తహతహలాడుతుంటారు. నెచ్చెలి మనసుకు నచ్చే బహుమతుల కోసం అబ్బాయిలు జల్లెడపట్టి మరీ గాలిస్తారు. అమ్మాయిలూ తక్కువేం కాదు.. తమ మనసును దోచిన సోగ్గాళ్లకు ఇచ్చే కానుకల కోసం షాపింగ్‌ ప్రపంచంలో భూతద్దం పెట్టి వెతికేస్తారు. ఆదివారం జరుపుకోబోయే ప్రేమికుల రోజున ప్రియమైన వారికి ఎలాంటి బహుమానాల్ని ఇస్తే ఎప్పటికీ గుర్తుండిపోతుందో చూద్దామా...
కొన్ని పువ్వులు... కాసిన్ని నవ్వులు
ప్రేమికుల రోజున ఏ ప్రేమ జంట చేతుల్లో చూసినా ఎరుపు రంగు పూలే కనిపిస్తాయి. ఆ రోజు ప్రేమికులు ఇచ్చి పుచ్చుకునే కానుకల్లో అత్యంత ముఖ్యమైనవి ఇవే. తక్కువ బడ్జెట్‌లో లభించే ఎరుపు రంగు గులాబీలను ప్రేయసీ/ప్రియుడికి ఇచ్చి ఆశ్చర్యంలో ముంచెత్తవచ్చు. ఇంకా కాస్త కొంగొత్తగా చెప్పాలనుకునే వారు మీ ప్రేయసీ/ప్రియుడిపైన ఓ కవితను రాసి.. ముఖంపై చెరగని నవ్వుతో దాన్ని చదువుతూ ఇవ్వొచ్చు. అయితే... ఇక్కడ గుండె ఆకారంలో తయారు చేసిన పూలగుత్తులు(బోకే)లను ఎంచుకోవడం మరిచిపోవద్దు. ఇద్దరూ ఒకే చోట ఉన్నప్పుడు అందేలా ఆన్‌లైన్‌లో ముందే పూలను బుక్‌ చేయొచ్చు. వాటిని అందుకునేటప్పుడు కలిగే మజానే వేరు.
నువ్వు... నువ్వుగా వెళ్లు!
పుట్టిన రోజు.. పెళ్లి రోజు.. ఇలాంటి ప్రత్యేక సందర్భాల్లో గ్రీటింగ్‌ కార్డులు ఇచ్చుకోవడం సాధారణం. ప్రేమికుల రోజును పురస్కరించుకొని మార్కెట్‌లో వివిధ రకాల్లో, విభిన్న డిజైన్లలో రూపొందించిన గ్రీటింగ్‌ కార్డులు మార్కెట్‌లో హల్‌చల్‌ చేస్తున్నాయి. వాటిలో మీకు నచ్చిన దాన్ని ఎంపిక చేసి.. అందించవచ్చు. ఇందుకోసం పెద్దగా ఖర్చేం కాదు. సరిగ్గా ఆ రోజు మీ ప్రేయసీ/ ప్రియుడి ఇంటికి డెలివరీ అయ్యేలా ఆన్‌లైన్‌లో ముందే బుక్‌ చేయొచ్చు. ఇదంతా కాదు.. ఇంకా ఏదో కొత్తగా చేయాలనుకుంటే మీరే స్వయంగా గ్రీటింగ్‌ కార్డు తయారు చేసి, అందివ్వండి. దాన్ని ఇస్తున్నప్పుడు కలిగే సంతృప్తిని మది నిండా నింపుకోండి. అలా గ్రీటింగ్‌ కార్డు అందుకున్న వాళ్లు ఆశ్చర్యపోతారు. జీవితాంతం ఇది ఓ మధుర జ్ఞాపకంగా గుర్తుండిపోతుంది.

ప్రియ నామమెంతో మధురం

ప్రేమికుల రోజు మరింత తీయని వేడుకగా గుర్తుండిపోయేలా చేయాలంటే చాక్లెట్లను బహూకరించాలి. అలా అని ఏవిపడితే అవి ఇవ్వొద్దు. ప్రత్యేకంగా దుకాణాల్లో, బేకరీల్లో చాక్లెట్లపై పేర్లు రాస్తుంటారు. అక్కడికి వెళ్లి చాక్లెట్‌పై మీ పేరుతో పాటు ప్రేయసీ/ప్రియుడి పేరు రాయించి... ఆ రోజు ఇవ్వొచ్చు. ఒకవేళ అది కుదరకపోతే విడిగా కానీ గుండె ఆకారంలో ఉండే చాక్లెట్‌ బాక్స్‌ను కానీ బహూకరించొచ్చు. సాధారణంగా చాక్లెట్లంటే అమ్మాయిలకే ఎక్కువ ఇష్టమనుకుంటారు. కానీ.. నేటి తరం అబ్బాయిలకూ అవి ప్రీతిపాత్రమే.

చెరగని తీపి జ్ఞాపకంలా...

అబ్బాయిలైతే అమ్మాయిలకు వాచీలు, బ్యాగ్‌లు, పర్సులు, అలంకరణ సామగ్రి, స్వెటర్లు, కీచెయిన్స్‌, బొమ్మలు, ఇతర సాంకేతిక పరికరాలు ఇవ్వొచ్చు. ఈ రోజుల్లో యువత ఎన్నో రకాల యాక్సెసరీలు వాడుతున్నారు. వాచ్‌లు, షూస్‌, వాలెట్‌, గ్లౌజ్‌లు, బ్యాగ్‌, కూలింగ్‌ గ్లాసెస్‌... ఇలా ప్రతిదీ బహుమతే. దస్తులనూ కానుకలుగా ఇవ్వొచ్చు. ఫార్మల్స్‌, క్యాజువల్స్‌, టీషర్ట్స్‌, టై, బెల్ట్‌ వంటివి ప్రియులకు ప్రేమతో బహూకరిస్తే సరి. అమ్మాయిలకైతే చుడీదార్‌, పంజాబీ, జీన్స్‌, టీషర్ట్‌, చీరను ఇస్తే బాగుంటుంది. ఈ క్రమంలో మీ ప్రేయసీ/ప్రియుడికి నచ్చని రంగుల్ని తెలుసుకోవడం మరిచిపోవద్దు సుమా.

శ్రీవారు... శ్రీమతి...

ప్రేమికుల దినోత్సవం అంటే ప్రేమికులకే కాదు.. భార్యాభర్తలకూ ప్రత్యేకమే.. ఒకరిపై ఒకరికి ఉండే ప్రేమను వ్యక్తపరచడానికి ఆలుమగలకూ ఇదో ప్రత్యేక సందర్భమే. భాగస్వామికి ఇష్టమైన వస్తువును కొనివ్వొచ్చు. లేదంటే ప్రత్యేక వంటకాలు తయారు చేసి పెట్టొచ్చు. ఇద్దరూ కలిసి తీయించుకున్న ఫొటోను ఫ్రేమ్‌ కట్టించి కానుకగా ఇచ్చుకోవచ్చు. భార్యాభర్తలిద్దరూ ఒకరికి నచ్చిన రంగును మరొకరు ధరించొచ్చు. సరాదాగా లాంగ్‌ డ్రైవ్‌కు వెళ్లొచ్చు. లంచ్‌/డిన్నర్‌కు బయటకు వెళ్లొచ్చు. ఇద్దరి మధ్యా గతంలో జరిగిన చిలిపి సంభాషణలు, మధుర జ్ఞాపకాల్ని గుర్తుకు తెచ్చుకోవచ్చు.
పచ్చని మొక్కలు తోడుంటే...
అందరిలా కాకుండా కాస్త వినూత్నంగా ప్రేమికుల దినోత్సవాన్ని జరుపుకోవాలనుకునే వారు చాలామంది ఉంటారు. అలాంటి ప్రేమ జంట ఓ మొక్కను నాటితే సరి. మొక్కను నాటే ముందు వందేళ్లపాటు ఇలాగే సంతోషంగా కలిసి ఉండేలా దీవించాలని దేవుణ్ని కోరుకోండి. ఆ మొక్క బాగోగుల్ని పట్టించుకోండి. ఆ రోజు విలాసాలకు చేసే ఖర్చుతో రోడ్డు పక్క ఉండే అనాథలు, భిక్షగాళ్లకు పండ్లు, బిస్కెట్లు, బ్రెడ్‌ లాంటివి పంచండి. అనాథశ్రమాల్లో ఓ పూట భోజనం పెట్టించండి. ఇలా చేస్తే సంతృప్తితో పాటు ఆ అభాగ్యుల ఆశీర్వాదాలూ మీకుంటాయి.

దోమకాటుకు తెర!

శతాబ్దాలుగా దేశాన్ని పట్టిపీడిస్తున్న మహమ్మారి మలేరియాపై నరేంద్ర మోదీ ప్రభుత్వం యుద్ధభేరి మోగించింది. మశక సంతతి ద్వారా...

Full Story...

విశ్వనగరం... మా లక్ష్యం

‘‘ట్రాఫిక్‌ సమస్యను పరిష్కరించడం, పారిశుద్ధ్యానికి పెద్దపీట వేయడం, హైదరాబాద్‌ను ‘హరితనగరం’గా తీర్చిదిద్దడం.. మా ముందున్న లక్ష్యాలు. వర్షపు నీటిని సక్రమంగా వినియోగించుకునేలా...

వినిపించాలి... మురళీరవాలు

ప్రభుత్వ పథకాలను అందిపుచ్చుకుని మురళీనగర్‌, లేమూరు గ్రామాలు సాధించిన ప్రగతి చాలా బాగుందని గ్రామీణాభివృద్ధిపై పార్లమెంటరీ స్టాండింగ్‌ కమిటీ సభ్యులు ప్రశంసించారు.

జాతర మార్గాల్లో ఇంకా లోపాలు..

గతంలో ఎప్పుడూ లేనివిధంగా ఈ సారి మేడారం జాతరకు ఎక్కువ రహదారులు భక్తులకు అందుబాటులోకి వచ్చినా సంబంధిత పనుల్లో మాత్రం ఇంకా అలసత్వం...

తోటి ఉద్యోగినీ వదల్లేదు..

ప్రభుత్వ కార్యాలయాల్లో అవినీతి వికృత రూపానికి పరాకాష్ట ఈ ఉదంతం.. చేయి తడపనిదే పని జరగదనే అపవాదు ఇప్పటికే ఉన్నా.. దీని విశ్వరూపం మరింత విస్తృతమైంది.

తాగునీటికి గడ్డుకాలం

కరవులతో పంటల్లేక ఏటా వలసబాట పట్టే పాలమూరు ఈ ఏడాది తాగునీటికీ వలస వెళ్లాల్సి వస్తోంది. ప్రకృతి వైపరీత్యానికి తోడు ముందుచూపు కొరవడటంతోనే ఈ దుస్థితి నెలకొంది.

ఎవరిదో విజయం

ఖేడ్‌ నియోజకవర్గ చరిత్రలో తొలిసారిగా శనివారం ఉప ఎన్నిక జరుగబోతోంది. ఎమ్మెల్యే కిష్టారెడ్డి గత ఆగస్టు 25న గుండెపోటుతో కన్నుమూయగా అనివార్యమైన దీనిని...

‘సర్వే’జనా సుఖినోభవంతు

శతాబ్ద కాలం నాటి దస్త్రాలు.. అప్పట్లో నాటిన హద్దురాళ్లు కనుమరుగు.. చెదిరిపోయిన భూముల హద్దులు.. వెరసి నిత్యం ఎక్కడోఓచోట భూవివాదం.

స్వపక్షం.. విపక్షం.. గరం.. గరం

నన్ను జడ్పీ సమావేశానికి రమ్మని పిలిచారు.. సంతోషం.. కానీ నాకు అజెండా నకలు(కాపీ) పంపించలేదు.. నాది ఎస్టీ నియోజకవర్గం గిరిజనులు పోడు వ్యవసాయం...

చట్టానికి తూట్లు..!

విద్యా హక్కు చట్టం ఏం చెబుతోందంటే.... విద్యా రంగంలో ఉన్న ఉపాధ్యాయులు, ఇతర సిబ్బంది బోధనేతర పనులు చేయడానికి వీలు లేనే లేదు.

భక్తజనంతో పులకించిన బాసర

బాసరలో వసంత పంచమి వేడుకలు ఘనంగా నిర్వహించారు. శుక్రవారం రాష్ట్ర ప్రభుత్వం తరపున దేవాదాయ శాఖ మంత్రి ఇంద్రకరణ్‌రెడ్డి దంపతులు అమ్మవారికి పట్టువస్త్రాలు అందజేశారు.

రయ్యి రయ్యిన..

నాగరికతకు చిహ్నాలైన రహదారులు బాగుంటేనే ప్రయాణం సాఫీగా సాగిపోతుంది. అభివృద్ధి వేగవంతమవుతుంది. రాష్ట్ర విభజన తర్వాత రహదారుల అభివృద్ధికి పెద్దపీట వేస్తున్న రాష్ట్ర...

బియ్యమా.. బియ్యమా.. ఎందుకు తగ్గావు?

రేషన్‌ దుకాణంలో తూకం తగ్గుదలపై పొరపాటున ఎవరైనా ప్రశ్నించారా..చిన్నప్పుడు అందరం చదువుకున్న చేపా చేపా ఎందుకు ఎండలేదు కథ చెబుతారు...

పుష్కర నివేదిక సిద్ధం

రాజధాని ప్రాంతంలో 12 రోజులు జరిగే అతిపెద్ద వేడుక కృష్ణా పుష్కరాలని, అన్ని శాఖలూ బాధ్యతగా నిర్వహణను చేపట్టాలని కలెక్టర్‌ బాబు.ఎ అన్నారు. పుష్కరాల ఏర్పాట్లపై వివిధ శాఖల...

సూక్ష్మంలో అవినీతి సేద్యం!

కర్షక సంక్షేమమే ధ్యేయంగా తక్కువ నీటి వినియోగంతో పంటలు పండించి.. అధిక దిగుబడి పెంచేందుకు కేంద్ర, రాష్ట్ర ప్రభుత్వాలు అమలు చేస్తున్న సూక్ష్మసేద్యం...

అభ్యంతరాల ‘బృహత్తరం’

అన్నవరం దేవస్థానం అభివృద్ధికి ఇటీవల రూపొందించిన బృహత్తర ప్రణాళికపై పలు అభ్యంతరాలు వ్యక్తమవుతున్న నేపథ్యంలో మరోసారి లోతుగా అధ్యయనం చేయాలని...

తరలిస్తోంది మన్ను కాదు.. భావితరాల దన్ను

జిల్లాలో సహజ వనరుల సంరక్షణకు కంకణం కట్టుకోవాల్సిన అధికార యంత్రాంగం నిమ్మకు నీరెత్తినట్టు వ్యవహరిస్తోంది. జిల్లాలో పేరుమోసిన వృక్ష సంపదను...

పింఛనామం

జిల్లాలో పింఛన్ల పంపిణీలో జరిగిన అక్రమాలు ఒక్కొక్కటీ వెలుగులోకి వస్తున్నాయి. అర్హులు నెలల తరబడి కార్యాలయాల చుట్టూ ప్రదక్షిణలు చేస్తున్నా ఫలితం...

ఇక నామినేషన్‌పై పనుల పందేరం!

నెల్లూరు నగరపాలక సంస్థలో అభివృద్ధి పనుల టెండర్లలో రాజకీయ దుమారం రేగడంతో నామినేషన్‌ పనుల పందేరానికి తెర లేపారు. రూ.5 లక్షలలోపు పనులను...

రైతుకు కాదు.. ‘రారాజు’...

ఫలాల్లో రారాజు మామిడి. రుచికి తగ్గట్టే పండించిన రైతులకూ ఒకప్పుడు లాభాలను ఆర్జించి పెట్టింది. అయితే ఇప్పుడా పరిస్థితి మారింది. వరుసగా మూడో ఏడాదీ మామిడి రైతులు...

పాలనా సంస్కరణలతోనే అభివృద్ధి

చిన్నచిన్న తప్పులు చేసిన ఎందరో ఉద్యోగులు కష్టాలు అనుభవిస్తున్నారు. ఇందుకు వారు చేసిన అవినీతే కారణం. ఉద్యోగులు సమర్థంగా పని చేయాలన్నా...

మహా యోగం!

దేశంలోని ఆకర్షణీయ నగరాల ఉత్తమ 20 జాబితాలో స్థానం పొందిన మహా విశాఖ నేడు అమెరికా సహాయంతో అభివృద్ధి చెందనున్న తొలి నగరంగా గుర్తింపు దక్కించుకుంది. అభివృద్ధి కేవలం పరిమిత...

తాగునీటి సమస్యపై అప్రమత్తం

జిల్లాలో మే నెలనాటికి తాగునీటి సమస్యలు ఉత్పన్నమయ్యే అవకాశముంది. వేసవి నేపథ్యంలో ముందుగా అప్రమత్తమైనట్లు గ్రామీణ నీటిసరఫరా విభాగం పర్యవేక్షక ఇంజినీరు...

అగ్రిగోల్డ్‌ అధినేతలకు జైలు

అగ్రిగోల్డ్‌ డిపాజిట్‌దారులకు సొమ్ములు ఎగవేసిన కేసులో ప్రధాన నిందితులైన సంస్థ ఛైర్మన్‌ అవ్వా వెంకటరామారావు, ఎండీ అవ్వా వెంకట శేషు నారాయణలను...