latest breaking telugu news
close

తాజావార్తలు


చక్రాల కదలిక.. రైళ్లు చకచకా!
టన్నులకొద్దీ బరువు ఇట్టే తరలింపు
రైళ్లు, గూడ్సుల పరుగుకు ఆసరా
మంచు కాలం ఎత్తు ప్రాంతంలో పరుగులు తీసే రైళ్లు ఒక్కొక్కసారి మొరాయిస్తాయి. పట్టాలపై తేమ ఉండడం వల్ల రైలు చక్రాలు నునుపు ప్రభావం ముందుకు సాగనివ్వదు. చక్రాలు అక్కడకక్కడే తిరుగుతూ వెనక్కు వెళ్లాల్సిన పరిస్థితి కూడా లేకపోలేదు. అలాంటి పరిస్థితులనుఅధిగమించేందుకు ఇసుక కీలకంగా ఉపయోగపడుతుంది. ఆ సన్నివేశాన్ని చూసిన వారు ముక్కుమీద వేలేసుకోవాల్సిందే. ఇసుక రేణువుల పట్టు ప్రభావం మొరాయించిన రైలు కాస్త ముందుకు సాగడం చూస్తే భళా..!అనక మానరు. ఆ విశేషాలు తెలుసుకుందాం..!

బిట్రగుంట: విజయవాడ-చెన్నై, తిరుపతిల మధ్య సగటున రోజుకు 150 నుంచి 175 వరకు ప్రయాణికులు, సరకులు చేరవేసే రైళ్లు నెల్లూరు జిల్లా మీదుగా రాకపోకలు సాగిస్తున్నాయి. అందులో 48 గూడ్సు రైళ్లు భారీ లోడు కలిగినవి ఉంటాయి. బొగ్గు, గ్రానైట్‌ వంటి సరకులు చేరవేసే గూడ్సు రైళ్లు 59 వ్యాగిన్లు ఫార్మెనేషన్‌ కలిగినవి పరుగులు తీస్తుంటాయి. ఒక్కొక్క వ్యాగిన్‌ సరకుతోపాటు బరువును పరిశీలిస్తే 91 టన్నుల వరకు ఉంటుంది. ఈ రైళ్లు పరుగులు తీసే నేపధ్యంలో రైలు మార్గాలు ఎత్తు ఉన్న చోట ఒక్కొక్కసారి (మంచు, వర్షాకాలం) ముందుకు వెళ్లే పరిస్థితి ఉండదు. పట్టాలపై మంచు చేరి ఉండడం వల్ల నునుపుగా ఉన్న రైలింజన్‌ చక్రాలు అక్కడకక్కడే తిరుగుతూ ముందుకు వెళ్లే పరిస్థితి ఉండదు. అసౌకర్యం కలిగే పరిస్థితి ఉంటుంది. ఇలాంటి సందర్భంలోనే ఎవరూ వూహించని విధంగా కంటికి కూడా సరిగా కనిపించని ఇసుక రేణువులు తమ శక్తిసామర్థ్యాలు ప్రదర్శిస్తాయి.. చూపరులను సంభ్రమాశ్చర్యాలకు గురిచేస్తుంది. దీన్ని చూస్తే రైల్వే శాఖ సూక్ష్మంలో మోక్షాన్ని కనిపెట్టిందని చెప్పుకుంటున్న పరిస్థితులు కూడా ఉన్నాయి.

చక్రాల కదలికకు కీలకం
చక్రాలు అక్కడకక్కడు తిరుగుతూ అసౌకర్యం కలిగే నేపధ్యంలో ఇసుక రేణువులు కీలకపాత్ర పోషిస్తాయి. డ్రైవర్‌ అప్రమత్తమై ఇంజిన్‌ ముందు భాగాన అమర్చిన బాక్సుల్లో నింపి ఉన్న ఇసుకను ఉపయోగిస్తారు. ఓ పైపు ద్వారా బాక్సు నుంచి చక్రానికి ముందు పట్టాపైకి ఇసుక చిమ్ముతుంది. క్షణాల్లోనే చక్రాలు ఇసుక పట్టుతో ముందుకు కదిలి ఏర్పడ్డ అసౌకర్యం తొలగి అక్కడ నుంచి క్రమేణ పరుగులు తీస్తుంది.

బిట్రగుంటలో ఇసుక నిల్వ కేంద్రం
రైల్వేలో గూడ్సు రైళ్లు ఆగి కదిలే ప్రధానమైన స్టేషన్లలో ఇసుక నిల్వల కేంద్రాలు ఉన్నాయి. విజయవాడ-చెన్నైల మధ్య గల బిట్రగుంట రైల్వేస్టేషన్‌లో కూడా ఉంది. ఇక్కడ గూడ్సు రైలు ఆగిన వెంటనే సిబ్బంది ఇసుక నిల్వ గది నుంచి ఇసుక సంచిని తీసుకువెళ్లి ఇంజిన్‌వద్ద ఉన్న బాక్సులో నింపుతారు. అలా ప్రతి గూడ్సు రైలు, అవసరమైతే ప్రయాణికులు చేరవేసే రైలు ఇంజిన్‌ వద్ద బాక్సులో కూడా నింపే పరిస్థితి ఉంది. ఇసుక రేణువులు భారీ లోడు కలిగిన గూడ్సు రైలును మొరాయించినప్పుడు కదిలించే తీరు చూసినవారు విస్తుపోతున్నారు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2017 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.