ఎంబా.. తాతలకే తాత

తాజావార్తలు

ఎంబా.. తాతలకే తాత
సగటు మనిషి ఆయుఃప్రమాణం నానాటికీ క్షీణిస్తుందనే విషయం అందరికీ తెలిసిందే. అప్పట్లో వంద సంవత్సరాలకు పైగా బతకటం మామూలు విషమే. కానీ ఇప్పుడు 80 సంవత్సరాలు బతకటమే గొప్ప విషయం. ఈ పరిస్థితికి కారణం మారుతున్న జీవన సరళి, అనుసరిస్తున్న ఆహారపు అలవాట్లు, తినే తిండిలో వ్యత్యాసం ఉండటం. ఇవన్నీ ప్రత్యక్ష కారణాలే.

అయితే ఇప్పుడీ కారణాలన్నింటికీ ఫుల్‌స్టాప్‌ పెడుతూ ఓ సూపర్‌ సీనియర్‌సిటిజన్‌ వచ్చాడు. అతనే ఇండోనేషియాకు చెందిన ఎంబా గోతు. ఇప్పటి వరకు ఉన్న అత్యధిక వయసు ప్రపంచ రికార్డుని బద్దలు కొడుతూ ఎంబా.. అరుదైన రికార్డుని నమోదు చేశాడు. ఫ్రెంచ్‌కి చెందిన జీనే కాల్మెంట్‌ అనే మహిళ 122ఏళ్లతో ప్రపంచంలోనే అత్యంత ఎక్కువ వయసున్న వ్యక్తిగా రికార్డు సొంతం చేసుకుంది. ఇప్పుడు ఆమె పేరిట వున్న రికార్డుని ఎంబా తన ఖాతాలో వేసుకున్నాడు. ఎందుకంటే ఎంబా వయసు ఎంతో తెలుసా? తెలిస్తే ఔరా అనక మానరు. ఇతని వయసు 145 సంవత్సరాలు.

1870 డిసెంబర్‌ 31న జన్మించాడట. అమ్మో అనుకుంటున్నారా? మరి 145 సంవత్సరాలంటే ఎవరికైనా ఆశ్చర్యంగానే ఉంటుంది. ఎంబా.. కొడుకులు, కూతుర్లు, అన్నదమ్ములు, అక్కచెల్లెలు అందరూ మరణించారు. చివరికి ఇతనొక్కడే ఇన్నేళ్లుగా జీవించి ఉన్నాడట. అయితే ప్రస్తుతం తన మనువలు, మునిమనువలు వద్ద ఆశ్రయం పొందుతున్న ఎంబా.. అధిక వయోభారంతో కొన్ని సమస్యల్ని ఎదుర్కొంటున్నాడు.

తన అత్యధిక వయసు విషయానికి సంబంధించి ఈ మధ్యే ప్రపంచ రికార్డు నమోదుకు ప్రయత్నాలు చేశాడు. ఇంకో విషయం ఏంటంటే ఎంబా 1992లోనే చనిపోతాడని కుటుంబ సభ్యులంతా భావించారట. అందుకోసం అప్పట్లోనే సమాధి కూడా కట్టి ఉంచారట. కానీ ఆ సమయంలో మృత్యుంజయుడిగా బయటపడ్డాడు. ఇక అప్పట్నుంచి ఆ ఇంట్లో వాళ్లకి ఎంబా మరణం ఆసక్తికరంగా మారింది. ఎందుకంటే అతనికి అస్వస్థత రావటం, చనిపోతాడనుకోవటం, మరలా బతకటం ఇది వాళ్లకి అలవాటైపోయిన విషయం.

ఎంబా మాత్రం ప్రస్తుతం తన మరణం గురించే ఎదురుచూస్తున్నట్లు చెబుతున్నాడు. ‘‘ఇన్నేళ్లు బతికింది చాలు ఇక నాకు విశ్రాంతి కావాలి. నేను మరణం గురించి ఎదురుచూస్తున్నాను’’ అని అంటున్నాడు. ఇన్నేళ్లు ఆరోగ్యంగా ఎలా బతకగలిగారు? అని అడిగితే.. ‘‘దానికున్న ఒకే ఒక చిట్కా ఓపిక, ప్రశాంతత’’ అని చెప్తాడు ఎంబా.

‘‘ఎంబా ఇంట్లో తన పని చేసుకునేవాడు. రేడియో వినేవాడు. కానీ టీవీ చూడలేడు. ఎందుకంటే దృష్టిలోపం అతనికి బాగా ఎక్కువైంది. అయితే గత కొన్ని రోజుల్నుంచి ఎంబాకి స్పూన్‌ ఫీడింగ్‌ అందిస్తున్నాం. ప్రస్తుతం మంచం పైనుంచి లేవలేని స్థితిలో ఉన్నాడు’’ అని అతని మునిమనవలు చెప్పారు.

వయసులో అర్ధ శతకమే చాలా కష్టమంటే ఈ తాత.. అంతకు మూడు రెట్లు ఎక్కువకే ఎసరు పెడుతున్నట్లున్నాడు.

FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు
Property Handling 300x50

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.