‘పత్రికా స్వేచ్ఛను హరిస్తున్న మోదీ’

తాజా వార్తలు

Published : 07/07/2021 12:26 IST

‘పత్రికా స్వేచ్ఛను హరిస్తున్న మోదీ’

 తన సిద్ధాంతాలను విస్తృతంగా ప్రచారం చేసుకుంటున్నారు : ఆర్‌ఎస్‌ఎఫ్‌  
కిమ్‌జోంగ్‌ ఉన్, ఇమ్రాన్‌ఖాన్‌లూ అదే జాబితాలో.. 

దిల్లీ: భారత ప్రధాని నరేంద్ర మోదీ పత్రికా స్వేచ్ఛను హరిస్తున్నారని ‘రిపోర్టర్స్‌ వితౌట్‌ బార్డర్స్‌ (ఆర్‌ఎస్‌ఎఫ్‌)’ అనే అంతర్జాతీయ సంస్థ ఆరోపించింది. మీడియా అండతో ఆయన తన సిద్ధాంతాలను విస్తృతంగా ప్రచారం చేసుకుంటున్నారని పేర్కొంది. పత్రికా స్వేచ్ఛను హరిస్తున్న నేతల పేర్లతో ఆర్‌ఎస్‌ఎఫ్‌ ఓ జాబితాను రూపొందించింది. ప్రపంచవ్యాప్తంగా 37 మంది దేశాధినేతలు/ప్రభుత్వాధినేతలకు అందులో చోటుకల్పించింది. మోదీతో పాటు పాకిస్థాన్‌ ప్రధానమంత్రి ఇమ్రాన్‌ ఖాన్, సౌదీ అరేబియా యువరాజు మహమ్మద్‌ బిన్‌ సల్మాన్, మయన్మార్‌ మిలటరీ అధ్యక్షుడు మిన్‌ ఆంగ్‌ లయాంగ్, ఉత్తర కొరియా అధినేత కిమ్‌ జోంగ్‌ ఉన్‌ తదితరులు ఈ జాబితాలో ఉన్నారు. 

ఇందులో ఇద్దరు మహిళలు (బంగ్లాదేశ్‌ ప్రధాని షేక్‌ హసీనా, హాంకాంగ్‌ చీఫ్‌ ఎగ్జిక్యూటివ్‌ కేరీ లామ్‌) కూడా ఉన్నారు. పత్రికా స్వేచ్ఛను హరిస్తున్న నేతల జాబితాను ఈ సంస్థ ప్రచురించడం 2016 తర్వాత ఇదే తొలిసారి. 2001లో మొదటిసారిగా దీన్ని ప్రచురించారు. సిరియా అధ్యక్షుడు బషర్‌ అల్‌-అస్సద్, ఇరాన్‌కు చెందిన అలీ ఖమేనీ, రష్యా అధ్యక్షుడు వ్లాదిమిర్‌ పుతిన్, బెలారస్‌కు చెందిన అలెగ్జాండర్‌ లుకషెంకో తొలి నుంచీ ఈ జాబితాలో కొనసాగుతున్నారు. 2021కి సంబంధించి 180 దేశాలతో ఆర్‌ఎస్‌ఎఫ్‌ రూపొందించిన ప్రపంచ పత్రికా స్వేచ్ఛ సూచీలో భారత్‌ 142వ స్థానంలో ఉండటం గమనార్హం 


Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
పాలిటిక్స్
మరిన్ని
జనరల్
మరిన్ని