నా వయసు ఇరవై ఆరేళ్లు. మా పిల్లలకి సెలవులు ఇచ్చారు. మేం ఇప్పుడు టూర్‌కి వెళ్లాలనుకుంటున్నాం. ఈ ప్రయాణాల్లో సౌకర్యంగా... ట్రెండీగా ఉండేలా నేనెలా తయారవ్వాలి. ఎలాంటి దుస్తులు ఎంచుకోవాలో సలహా ఇవ్వగలరు?

- నైమిశ, హైదరాబాద్‌

పర్యటనలో సాధారణంగా ఎక్కువ దుస్తులు తీసుకెళ్లడం బరువు అనుకుంటాం. అలాని ఫ్యాషన్‌ని పక్కన పెట్టేయక్కర్లేదు. మీరు వెళ్లబోయే ప్రదేశం వాతావరణం, ట్రెండ్స్‌ని దృష్టిలో పెట్టుకుని దుస్తుల్ని ఎంచుకోండి. అడవులు, పర్వత పర్యాటక స్థలాలకు వెళ్లేటప్పుడు బూట్లూ, టీషర్ట్స్‌-జీన్స్‌ వంటివి చక్కగా నప్పుతాయి. ఈ కాలంలో ఎండ ఎక్కువగా ఉంటుంది కాబట్టి నూలు, ఖాదీతో చేసిన దుస్తుల్ని ఎంచుకోవాలి. మ్యాచింగ్‌లకన్నా తక్కువ దుస్తులతో మిక్స్‌ అండ్‌ మ్యాచ్‌గా వేసుకునేందుకు ప్రయత్నించండి. ముఖ్యంగా ఒకదానికొకటి విభిన్నంగా అనిపించే రంగులపై ప్రయోగాలు చేసేందుకు ఇదే అనువైన సమయం. అన్నింటిమీదకీ నప్పేలా ఓ మల్టీకలర్‌ నెక్‌లెస్‌, సన్నటి చెయిన్‌, కాస్త పెద్ద ఇయర్‌ రింగ్స్‌, ఓ వాచ్‌ ఉంటే...దుస్తులకు తగ్గట్లు తయారవ్వొచ్చు.

- మీ సందేహాలను vasufash@eenadu.net కు పంపించగలరు.