Punjab congress: 2022 ఎన్నికలకు ఆయనే ‘కెప్టెన్‌’.. పంజాబ్‌ పరిణామాలపై హరీశ్‌ రావత్‌

తాజా వార్తలు

Published : 26/08/2021 01:20 IST

Punjab congress: 2022 ఎన్నికలకు ఆయనే ‘కెప్టెన్‌’.. పంజాబ్‌ పరిణామాలపై హరీశ్‌ రావత్‌

దిల్లీ (Delhi): పంజాబ్‌ ముఖ్యమంత్రి కెప్టెన్‌ అమరీందర్‌ సింగ్‌ (Amarinder Singh)పై తిరుగుబావుటా ఎగిరిన నేపథ్యంలో కాంగ్రెస్‌ (Congress) పార్టీ కీలక ప్రకటన చేసింది. వచ్చే ఏడాది జరగబోయే అసెంబ్లీ ఎన్నికలకు కెప్టెనే పార్టీకి సారథ్యం వహిస్తారని ఆ పార్టీ పంజాబ్‌ ఇన్‌ఛార్జి హరీశ్‌ రావత్‌ ప్రకటన చేశారు. అమరీందర్‌ను వ్యతిరేకిస్తూ నలుగురు కేబినెట్‌ మంత్రులు బుధవారం హరీశ్‌ రావత్‌ను దేహ్రాదూన్‌లో కలిసిన అనంతరం ఆయన నుంచి ఈ ప్రకటన వెలువడింది. ఇటీవలి పలు పరిణామాలతో కెప్టెన్‌, సిద్ధూ (Sidhu) వర్గాల మధ్య పోటాపోటీ నెలకొన్న వేళ కెప్టెన్‌కు మద్దతుగా ఈ ప్రకటన వెలువడడం ప్రాధాన్యం సంతరించుకుంది.

అమరీందర్‌ సింగ్‌పై నలుగురు మంత్రులు, 32 మంది కాంగ్రెస్‌ శాసనసభ్యులు తిరుగుబావుటా ఎగరేసిన సంగతి తెలిసిందే. 2017 అసెంబ్లీ ఎన్నికల సమయంలో చేసిన ముఖ్యమైన వాగ్దానాలను నిలబెట్టుకోవడంలో సీఎం విఫలమయ్యారని, ఆయనపై తమకు నమ్మకం లేదని మూకుమ్మడిగా ప్రకటించారు. మంత్రి తృప్త్‌ రాజీందర్‌ సింగ్‌ బజ్వా నివాసంలో మంగళవారం వీరంతా సమావేశమైన అనంతరం ఈ ప్రకటన చేశారు. ఈ క్రమంలో బుధవారం అసంతృప్త మంత్రులైన బజ్వా, సుఖ్‌బీందర్‌ సింగ్‌ సర్కారియా, సుఖ్జీందర్‌ సింగ్‌ రంధ్వా, చరణ్‌జిత్‌ సింగ్‌ చన్నీ హరీశ్‌ రావత్‌ను కలిశారు. మున్ముందు పంజాబ్‌ (Punjab) రాజకీయాలు మరింత రసవత్తరంగా మారే సూచనలు కనిపిస్తున్నాయి.


Advertisement

Tags :

మరిన్ని

జిల్లా వార్తలు
బిజినెస్
మరిన్ని
సినిమా
మరిన్ని
క్రైమ్
మరిన్ని
క్రీడలు
మరిన్ని
జనరల్
మరిన్ని
జాతీయ- అంతర్జాతీయ
మరిన్ని