ఎటు వెళ్లాలి?

ఏజీ బీఎస్‌సీ చివరి ఏడాది చదువుతున్నా. విదేశాల్లో ఎంఎస్‌సీ చదవాలనుంది. మరోపక్క ఐటీ రంగంవైపూ వెళ్లాలని అభిలాష. ఎటు వెళ్తే మేలు? 

- కె. అనూహ్య

బీఎస్సీ అగ్రికల్చర్‌ తరువాత విదేశాల్లో ఎమ్మెస్సీ చేయాలనుకుంటే ముందుగా మీరు ఏ సబ్జెక్ట్‌లో ఎంఎస్సీ/ఎంఎస్‌ చేయాలనుకొంటున్నారో, ఏ దేశంలో చేయాలనుకొంటున్నారో నిర్ణయించుకోండి. ఒకవేళ ఐటీ/సాఫ్ట్‌వేర్‌లో పీజీ చదవాలనుకొంటే అక్కడికి వెళ్ళేముందే కొన్ని ప్రోగ్రామింగ్‌/ ఐటీ కోర్సుల్లో శిక్షణ పొందండి. అగ్రికల్చర్‌ కానీ, దాని అనుబంధ కోర్సులు కానీ చేయాలనుకొంటే దరఖాస్తు చేయాలనుకొంటున్న యూనివర్సిటీల వెబ్‌సైట్‌లను సందర్శించి మీ విద్యార్హతలను నిర్ధారించుకోండి. అలా కాకుండా ఇక్కడే ఉండి ఐటీ¨ రంగంలోకి వెళ్లాలనుకొంటే అందుకు సంబంధించిన కోర్సులు చేసి ఆ దిశలో ప్రయత్నాలు మొదలుపెట్టండి. ఎంఎస్‌సీనా, ఐటీ రంగమా అనేది పూర్తిగా మీ ఆసక్తి, అభిరుచి, నైపుణ్యాలపై ఆధారపడి ఉంటుంది. విదేశాలకు వెళ్ళి ఎంఎస్‌సీ చేసి అక్కడే ఐటీ రంగంలో స్థిరపడితే మీ రెండు కోర్కెలూ నెరవేరే అవకాశం ఉంది.