కరెంట్‌ అఫైర్స్‌

సేవ్‌ సాయిల్‌ (మట్టిని రక్షించు) ఉద్యమాన్ని ప్రారంభించిన ప్రముఖ ఆధ్యాత్మికవేత్త ఎవరు?

జ: సద్గురు జగ్గీ వాసుదేవ్‌, ఈషా ఫౌండేషన్‌ వ్యవస్థాపకుడు 

తెలంగాణ స్టేట్‌ రోడ్‌ డెవలప్‌మెంట్‌ కార్పొరేషన్‌ ప్రస్తుత ఛైర్మన్‌ ఎవరు?

జ: మెట్టు శ్రీనివాస్‌

జియోలాజికల్‌ సర్వే ఆఫ్‌ ఇండియా (జీఎస్‌ఐ) దక్షిణ భారత ప్రాంతీయ  ప్రధాన కార్యాలయం ఏ నగరంలో ఉంది?

జ: హైదరాబాద్‌

డ్యామ్‌ సేఫ్టీ బిల్‌ దేశవ్యాప్తంగా ఏ రోజు నుంచి అమల్లోకి వచ్చింది?

జ: 2022, జూన్‌ 30

ప్రపంచంలోనే అతిపెద్ద స్టార్టప్‌ నివేదికగా పేర్కొనే జీఎస్‌ఈఆర్‌ (గ్లోబల్‌ స్టార్టప్‌ ఎకోసిస్టమ్‌ రిపోర్ట్‌)-2022లో తెలంగాణ టాప్‌-10 లో చోటు దక్కించుకుంది. ఈ నివేదికను ఏ నగరంలో విడుదల చేశారు?

జ: లండన్‌

నీతి ఆయోగ్‌ తాజా నివేదిక ప్రకారం పట్టణీకరణ వేగంగా వృద్ధి చెందుతోన్న రాష్ట్రాల్లో తెలంగాణ దేశంలో ఎన్నో  స్థానంలో నిలిచింది?

జ: 3వ స్థానం

సుస్థిర అభివృద్ధి లక్ష్యాల (ఎస్‌డీజీ) అంశాల ఆధారంగా జాతీయ స్థాయిలో ఉత్తమ గ్రామ పంచాయతీలను ఎంపిక చేయాలని నిర్ణయించిన కేంద్ర ప్రభుత్వం మొదటి బహుమతి కింద ఎంత నజరానా ఇవ్వనున్నట్లు ప్రకటించింది? 

జ: రూ.కోటి

మొక్కలు ఒత్తిడికి గురైనప్పుడు, కీటకాల నుంచి ప్రమాదం ఉందని గ్రహించినప్పుడు స్వీయ రక్షణలో భాగంగా  సాలిసిలిక్‌ ఆమ్లాన్ని విడుదల చేస్తున్నట్లు ఏ దేశ శాస్త్రవేత్తల పరిశోధనలో వెల్లడైంది?

జ: అమెరికా