కరెంట్‌ అఫైర్స్‌

మాదిరి ప్రశ్నలు

* 68వ జాతీయ చలన చిత్ర పురస్కారాల్లో తమిళ చిత్రం సూరారైపోట్రు ఉత్తమ చిత్రంగా నిలిచింది. దీన్ని కెప్టెన్‌ గోపీనాథ్‌ జీవిత కథ ఆధారంగా రూపొందించారు. ఆయన ఏ విమానయాన సంస్థ వ్యవస్థాపకుడు?

జ: ఎయిర్‌ డెక్కన్‌
* రాష్ట్రంలోని అన్ని పోలీసు స్టేషన్లు, ఇతర పోలీసు విభాగాల్లో ఫంక్షనల్‌ వర్టికల్స్‌ను (పని విభజన అంశాలు) అమలు చేయాలని తెలంగాణ ప్రభుత్వం నిర్ణయించింది. దేశంలోనే తొలిసారిగా ఇలా పోలీసు విధులను విభజించారు. అందులో మొత్తం ఎన్ని అంశాలు ఉన్నాయి?         

     జ: 17
* దేశంలో పెరిగిపోతున్న విద్వేష ప్రసంగాలకు వ్యతిరేకంగా తీసుకున్న చర్యలేమిటో తెలపాలని ఇటీవల కేంద్ర, రాష్ట్ర ప్రభుత్వాలను సుప్రీం ఆదేశించింది. ఈ ధర్మాసనానికి ఎవరు నేతృత్వం వహించారు?
      జ: జస్టిస్‌ ఎ.ఎం.ఖాన్విల్కర్‌
* ప్రపంచ అథ్లెటిక్స్‌ ఛాంపియన్‌షిప్‌-2022లో మహిళల 400 మీటర్ల హర్డిల్స్‌ రేసులో స్వర్ణ పతకాన్ని నెగ్గిన అమెరికా స్ప్రింటర్‌ ఎవరు? 

  జ: సిడ్నీ మెక్‌లాఫ్లిన్‌
* పాలనా వికేంద్రీకరణే లక్ష్యంగా మరో 13 మండలాలను ఏర్పాటు చేస్తూ తెలంగాణ ప్రభుత్వం నిర్ణయం తీసుకుంది. దీంతో రాష్ట్రంలో మొత్తం మండలాల సంఖ్య ఎంతకు చేరింది? 

  జ: 607